2017 jyly pılottyq joba nátıjelerine taldaý júrgizý qajettigine baılanysty Kelisimniń qoldanylý merzimin 2018 jyldyń 31 jeltoqsanyna deıin uzartylatyn boldy. Sondaı-aq senatorlar «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operasııalar) (OAО́EY 1 jáne 6-dálizderin qosatyn «Aqtóbe – Maqat» avtomobıl jolyn rekonstrýksııalaý jónindegi joba) ratıfıkasııalaý týraly» zań jobasyn da talqylady. 2016 jylǵy 7 jeltoqsanda Astanada qol qoıylǵan Kelisim «Aqtóbe – Maqat» avtomobıl jolyn rekonstrýksııalaýdy qarjylandyrýǵa 240 300 myń AQSh dollary mólsherinde qaryz berýdi kózdeıdi. Respýblıkalyq bıýdjetten qaryzdy birlesip qarjylandyrý – 32 765 myń AQSh dollaryn quraıdy. Qaryz 5 jyldyq jeńildikti kezeńdi qosa alǵanda, 18 jyl merzimge beriledi. Qaryzǵa qyzmet kórsetýdi jáne óteýdi respýblıkalyq bıýdjet qarajaty esebinen Qazaqstan Respýblıkasynyń Qarjy mınıstrligi júzege asyratyn bolady. Zań jobasy Palatanyń qaraýyna jiberildi.
Parlament Senaty Qarjy jáne bıýdjet komıtetiniń keńeıtilgen otyrysynda «2015 jylǵy 8 qyrkúıektegi «Tabıǵı teriden jasalǵan kıim zattary, kıimge kerek-jaraqtar jáne ózge de buıymdar» taýar pozısııasy boıynsha taýarlardy baqylaý (ıdentıfıkasııalaý) belgilerimen tańbalaýdy engizý jónindegi pılottyq jobany 2015-2016 jyldary iske asyrý týraly kelisimniń qoldanylý merzimin uzartý jónindegi hattamany ratıfıkasııalaý týraly» zań jobasy qaraldy.