Jıynda premer-lıganyń segizinshi týry men birinshi lıganyń altynshy týrynyń epızodtary qarastyryldy. Klýbtar jalpy kólemi 1 mıllıon 150 myń teńge aıyppul tóleıtin boldy.
Matchtyń resmı ókilderine qarasty aıtylǵan balaǵat sózderi úshin «Ertis» fýtbol klýbynyń bas jattyqtyrýshysy Dımıtar Dımıtrov pen onyń assısenti Petar Kolevtyń árqaısysyna 300myń teńge aıyppul taǵaıyndaldy.
Bir oıyn barysynda bes jáne odan kóp oıynshysy sary qaǵaz alyp úlgergen «Atyraý» jáne «Oqjetpes» komandalary 150 myń teńge aıyppul tólemek.
«Tobyl» klýbynyń qorǵaýshysy Sergeı Malyı «Oqjetpespen» qashyqtyqtan kezdesýdegi tártibi úshin eki machttan alastatyldy. Sol oıynda qyzyl qaǵaz alǵan Anton Kýksın bir oıyndy jiberip almaq.
Eń uzaq merzimdi dıskvalıfıkasııalaýǵa «Taraz» fýtbol klýbynyń qorǵaýshysy ári kapıtany Nurtas Qurǵýlın ushyrady. Ol «Qaıratpen» aradaǵy oıynda resmı ókil tarapyna aıtqan balaǵat sózi úshin jeti birdeı matchtan alastatylmaq.
Birinshi lıgada bir oıynda bes jáne odan da kóp oıynshysy eskertý qaǵazyn alǵan «Qyzyl-Jar SQ» fýtbol klýby 150 myń teńge aıyppul arqalady. Dóreki oıyny úshin «Qyran» qorǵaýshysy Erkebulan Amangeldi eki matchtan, «Shahter-Bolattyq» qorǵaýshy Baýyrjan Naýryzbaev úsh kezdesýden alastatyldy.
Aısáýle SEZBEK