«Jasyl energetıka» salasyndaǵy alǵashqy pılottyq joba Mańǵystaý aýdanynyń Shetpe selosynda ornalaspaq. 2018 jyldyń alǵashqy toqsanynda qoldanysqa beriledi delingen jobany júzege asyrý barysynda 70-80 jergilikti turǵyn jumyspen qamtylady, al joba iske qosylǵan kezde stansada jumys jasaý úshin 50 mańǵystaýlyq turǵyndy arnaıy oqytý kózdelýde. Jobaǵa Qazaqstan, Fransııa jáne qytaı elderi atsalysady. «Fransýzdyq kompanııa tehnologııalyq jaǵyna jaýap berse, qytaılyqtar qurylys pen ınvestısıǵa qatysady. Jobanyń birinshi kezeńin salý 20 mln. dollar dep baǵalanýda. Kún elektr stansasy úshin Mańǵystaý óńiri tekten-tekke tańdalyp otyrǵan joq. Birinshiden, aımaq belsendi damýda, ekinshiden, munda kún sáýlesi mol. Qysta qar qalyń bolmaıdy. Bul -damý bolashaǵy zor, ári qajetti pılottyq joba», – dedi fransýzdyq «ESM Technologies» kompanııasy prezıdentiniń keńesshisi Azat Betekbaev. Gúlaıym Shyntemirqyzy, «Egemen Qazaqstan». AQTAÝ.
Mańǵystaý oblystyq energetıka jáne turǵyn úı-kommýnaldyq sharýashylyǵy basqarmasy men fransııalyq «ESM Technologies» kompanııasy 12 MVt kún stansasynyń qurylysy boıynsha Hattamaǵa qol qoıdy.