Saparynyń alǵashqy kúni ol «Atameken» kásipkerler palatasynda kásipkerlermen kezdesti, «Adal urpaq» patrıottar klýbynyń sletine qatysty. Agenttiktiń Etıka jónindegi keńesin ótkizdi, «Nur Otan» partııasynyń oblystyq fılıalynyń qoǵamdyq qabyldaýynda boldy. Sonymen qatar, A.Shpekbaev A.Baıtursynov atyndaǵy Qostanaı memlekettik ýnıversıtetinde oblystaǵy joǵary oqý oryndarynyń basshylarymen, stýdent jastarmen kezdesti. Ol elimizde qoǵamdyq keselge qarsy júrgizilip jatqan jumystarǵa toqtaldy. «Sybaılas jemqorlyqtyń tamyryn joıýda negizinen onyń aldyn alý sharalaryna kóńil bólinedi. Qoǵamdaǵy julynqurt sekildi bul dertke qarsy kúresti dárigerler jumysymen salystyrýǵa bolady. Dárigerler aýrýdyń qaýipi, onyń aldyn alý, aýyrmaý týraly aldymen adamdarǵa túsindirý jumystaryn júrgizedi, al aýyrsa dári beredi, emdeıdi, oǵan kónbese operasııa jasap, sylyp alyp tastaýǵa týra keledi. Sybaılas jemqorlyq qoǵamdy ishteı iritetin, ekonomıkalyq-áleýmettik damýdy tejeıtin kesel ekenin adamdarǵa túsindiremiz. Zań, ereje buzǵandardy eskertemiz, jóndeımiz, oǵan kónbegenderdiń isi sotta qaralyp, jazasyn alady» – dedi A.Shpekbaev. Agenttik tóraǵasynyń orynbasary qoǵamda jastardyń sybaılas jemqorlyqqa tózbeý, oǵan qarsy kózqarsyn qalyptastyrý kerektigin aıtty. Ol úshin bilim ordalaryndaǵy jastarmen jumystar, eń aldymen otbasyndaǵy tárbıe úlken oryn alatyndyǵyn tilge tıek etti. Kezdesýge qatysýshylardyń suraqtaryna jaýap berdi. A.Shpekbaev eki kún boıy sharýashylyqtarda, qalalyq, aýdandyq ákimdikterde, halyqqa qyzmet kórsetý ortalyǵynda bolady. Názıra Járimbetova, «Egemen Qazaqstan». QOSTANAI
Memlekettik qyzmet jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev Qostanaı oblysyna saparmen keldi.