Semeıde áskerı boryshyn aıaqtaýǵa jaqyn qalǵan Ishki ister mınıstrligine qarasty 5511 áskerı bóliminiń eki jas sarbazy Jasulan Shaǵataev pen Abzal Orynbasarov estelik úshin Ertis jaǵasynda sýretke túsip almaq bolady. Álemge áıgili aspaly kópir Ystanbuldan keıin Semeıde ǵana ornalasqandyqtan, osy tusqa kelip endi ǵana sýretke túse bergen sátte ekeýi «Qutqaryńdar!» dep janushyra aıqaılaǵan daýysty estıdi.
«Ne isteý kerektigin eń aldymen Abzal Orynbasarov uqty, – dep esine alady efreıtor Jasulan Shaǵataev. – Ol ústindegi kúrtesin laqtyra salyp, muzǵa qoıyp ketti. Men onyń sońynan júgirdim. Sóıtsek, Ertis ózeniniń ortasynda bir top jas tur. Bireýi sýǵa taıyp qulap, bata bastaǵan». Al joldastaryn qutqarýǵa qoryqqan jastar esteri shyqqandyqtan aıqaılaı beripti.
«Bul sátte men qorqynysh týraly oılamadym da, – deıdi Abzal Orynbasarov. – Bar maqsatym sýǵa ketken adamnyń ómirin saqtap qalý boldy». Olar dereý sýǵa batyp bara jatqan azamatqa kúrtelerin tastap, ony jaǵaǵa alyp shyǵady. Budan soń sarbazdar qastaryndaǵy kýágerlerdiń birinen telefon alyp, «102» nómirine habarlaıdy. Qutqarylǵan jigit aýrýhanaǵa barýdan bas tartypty. Olar qyzmet etetin áskerı bólim málim etkendeı, sarbazdar Jasulan Shaǵataev pen Abzal Orynbasarov QR IIM «Shyǵys» óńirlik qolbasshylyǵynyń arnaıy syı-qurmetine ıe bolypty.
Raýshan Nuǵmanbekova, jýrnalıst Semeı
Sýretti túsirgen avtor