Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev bastaǵan úkimettik top óńirdegi ındýstrııalyq baǵdarlamanyń iske asyrylý barysymen tanysý úshin Qaraǵandy oblysynda boldy.
Sapar barysynda úkimettik top «Kazplast» JShS qazaqstandyq-bolgar kásipornyna bardy. Onda keń aýqymdy polıetılen buıymdary óndirisi iske qosylǵan. Kásiporyn jylyna 390 tonna polımer ónimin shyǵarady. Kásiporynnyń qurylysynda jáne ónim óndirisinde tek qana qazaqstandyq qurylys materıaldary men shıkizat paıdalanyldy.
Budan basqa, úkimettik top «Mashzavod №1» JShS-nyń prototıpteý kesheni jumysymen jáne qyzmetimen tanysty. Kásiporyn ónimi taý-ken óndirý jáne munaı-gaz ónerkásibinde, metallýrgııada jáne kólik salasynda suranysqa ıe. Zaýyt shyǵaratyn gıdravlıkalyq jabdyqtyń 90%-yn TMD elderine eksporttaıdy.
Buǵan qosa delegasııa «Karaganda Energosentr» JShS óndiristik qýattylyǵyn jańǵyrtý jáne keńeıtý boıynsha jumys barysymen tanysty. Qazir obektide jańa jabdyq ornatý boıynsha qurylys- montaj jumystary júrgizilýde. Obektiniń óndiristik qýaty – 425 MVt, 1157,5 Gkall/saǵ. Jobalyq qýatqa shyǵý kelesi jylǵa josparlanǵan.
Jalpy, Indýstrııalandyrý kartasy sheńberinde osy jyly Qaraǵandy oblysynda 24 jobany iske asyrý josparlanýda. Onyń ishinde 9 joba birinshi jartyjyldyqta qoldanysqa engizildi.
Kásiporyndardy aralaǵannan keıin, oblystyq ákimdikte ÚIIDB sheńberinde bıznesti qoldaý quraldaryna arnalǵan keńes ótti.
Áset Isekeshev jańa ındýstrııalyq saıasat sheńberinde memleket, eń aldymen, ÚIIDB-nyń strategııalyq baǵyttaryn iske asyrýǵa tartylǵandardy qoldaıtynyn eske saldy.
«Egemen-aqparat».