Ákim esep berdi. El ne dedi?

AÝDAN TYNYSY ÁKIM BAQYLAÝYNDA Saryarqa aýdanynyń ákimi S.Mustafınanyń turǵyndar al­dyn­daǵy esebin tyńdaýǵa halyq kóp jınaldy. Aýdan boıynsha mek­tepter men balabaqshalar salynyp, olardyń sany arta túskenin kóldeneń tarta kele, Elbasy tapsyrǵan bala­baq­sha máselesiniń sheshimin tabý úshin burynǵy eski 8 balabaqsha ǵımarat­taryna jóndeý jumystaryn júrgizý joparlanǵanyn jetkizdi. Saryarqa aýdanynyń ákimi S.Mustafınanyń turǵyndar al­dyn­daǵy esebin tyńdaýǵa halyq kóp jınaldy. “Turan-Astana” ýnı­ver­sıtetiniń akt zalynda bir bos oryn joq. Ýnıversıtet qaladaǵy Teh­no­parktiń aýmaǵynda ornalasqandyqtan bolar, negizinen osyndaǵy mekeme­ler­diń qyzmetkerleri men joo-lardyń ustazdary jınalǵanǵa uqsaıdy. Qala ákiminiń orynbasary E.Qo­ja­ǵapanov aýdan ákimine sóz bergen soń minberge kóterilgen Sábıla Sa­parqyzy aýdan boıynsha ótken jyly atqarylǵan jumystardy jurtshylyq nazaryna jaıyp saldy. Saryarqa aýdany – Astana qa­lasynyń eski bóligi, qala turǵyn­dary­nyń jartysyna jýyǵy shoǵyr­lanǵan (321 myń adam turady), qaı sala boıynsha da óndiristiń óndirý aımaqtary men damyǵan temir jol jáne qatynas júıesi bar, orta jáne shaǵyn kásipkerlikti damytýǵa qolaıly aýdan. Mysaly, munde 80 iri jáne ortasha óndiris pen qurylys ká­sip­oryndary bolsa, iri salyq tóleý­shilerdiń ózi 12,7 myń eken. “Álemdi sharpyǵan ekonomıkalyq-qarjylyq daǵdarysqa qaramastan, Astana qalasy álemdegi serpindi damýshy qalalardyń biri bolyp tabylady. Bul moıyndalǵan derek”,– dep sózin bastaǵan aýdan ákimi jyldyq esebin sala-salaǵa bólip turyp aıtty. Aldymen ınvestısııalyq jáne qurylystyq damý boıynsha ákim kel­tirgen derekterge biraz toqtala keteı­ik. Saryarqa aýdanynda qazirgi ýaqyt­ta salynyp jatqan 12 azamattyq qurylys nysandary bolsa, 13 nysan Astana ákimdiginiń páterlerdi ótep alýy boıynsha salynýda, 4 nysan paıdalanýǵa berilgen. Al úleskerlerdi eleńdetetin “AQQB Jańa Qurylys” JSSh-niń kúshimen salynyp jatqan 4 problemaly úıdiń 2-ýi: “Evropeı­skıı­diń” 2-kezegi jáne “Oqjetpes” paıdalanýǵa berilgen, al “Evropeı­skııdiń” 1-kezegi men “Vozrojdenıe” turǵyn úılerin jyldyń aıaǵyna qaraı paıdalanýǵa berý josparlanypty. Bulardan tys 20 turǵyn úı kesheniniń qurylysy júrýde. Olardy qurylys kompanııalary ózderiniń kúshimen aıaqtamaq. Memlekettik baǵ­dar­lama boıynsha da Saryarqa aýda­nynda kóptegen turǵyn úıler saly­nyp jatyr eken. Olar negizinen Tilen­dıev kóshesinen oryn tepken. 13 toǵyz qabatty, 38 bes qabatty úıden turatyn, uzyn sany 51 úıdiń qury­lysy júrýde kórinedi. Úlestik qury­lys nysandaryna baılanysty ar­naıy vedomstvoaralyq komıssııa jumys jasaıtynyn nazarǵa salǵan ákim “NSK”, “Shahar-Astana” JShS me­kemeleri basshylarynyń ústinen qylmystyq is qozǵalǵanyn aıtty. Sonymen birge, aýdan boıynsha mek­tepter men balabaqshalar salynyp, olardyń sany arta túskenin kóldeneń tarta kele, Elbasy tapsyrǵan bala­baq­sha máselesiniń sheshimin tabý úshin burynǵy eski 8 balabaqsha ǵımarat­taryna jóndeý jumystaryn júrgizý joparlanǵanyn jetkizdi. Rasynda, balabaqsha máselesi Astana úshin she­shýi úlken kúshti qajet etetin asa qı­yn túıinge aınalǵanyna biraz ýaqyt boldy. Ákim osy salmaqty jeńilde­te­tin jańa eki balabaqsha quryly­sy­nyń Kýbrın jáne Máskeý kóshele­rinde júrip jatqanynan da habardar etti. Ákim esebi jan-jaqty shyǵyp, aýdan ómiriniń bar salasyn qamtydy. Jol jóndeý men qala ishindegi jolaý­shylar tasymaly, aýlalardy abat­tan­dyrý, páter ıeleri kooperatıvteriniń jumysy, aýdan quramyna enip, jap­sarlas jatqan “Kóktal”, “О́ndiris” kentteriniń máseleleri, sanıtarlyq tazalyq, áleýmettik sala deısiz be, qaı-qaısy boıynsha da atqarylǵan ister men bolashaqtaǵy josparlar jaıly oı bólisken aýdan ákimi munan soń jurtshylyq tarapynan qoıylǵan saýaldarǵa jaýap berdi. Alǵashqy bolyp №14 avtobýs mar­shrýty júrisiniń alshaqtyǵyna syn aıtqan turǵynǵa jaýap bergen ákim: “Osy esep berý jınalysynda sizderdiń taraptaryńyzdan qoıylǵan birde-bir saýal nazardan tys qalmaı­dy, kóńilderińizdegideı jaýap dál qazir aıtylmasa da, olardyń barlyǵy qala ákiminiń baqylaýyna qoıylady, ár másele boıynsha jaýapty adamdar onyń qalaı sheshilgeni týrasynda málim etedi”,– dedi. Aýdannyń kelesi bir turǵyny “Kazahstanskaıa pravda” gazetinde jazylǵan Qyzylorda obly­syndaǵy qolǵa alynǵan ýchaskelik po­lısııalarǵa saılaý ótkizý jaıyn úlgi etip, turǵyndardyń ýchaskelik polı­sııa qyzmetkerlerin kórmeıtinin syn­ǵa aldy. Oǵan Astana qalalyq ishki ister basqarmasynyń bastyǵy E.Baýer jaýap berdi: “Bul – respýb­lıka kóleminde ár oblystyń birer aýda­nynda baıqap kórý úshin jasal­ǵan joba. Bizdiń qalamyzda ol Alma­ty aýdanynda júrgizilýde. Men buı­ryqty oryndaıtyn adammyn, eger Saryarqa aýdanynda da osy jumys jasalý qajet degen tapsyrma berilse, oryndaımyz”, — dedi ol. Esepti kezdesýde eń bir jıi kóte­ril­gen másele tehnoparkke qatysty bol­dy. Kóptegen irili-usaqty kásip­oryndar men birneshe joo ornalasqan osy aýmaq úshin avtobýs qatynasy, onyń ishindegi tazalyq jáıi men joldyń nasharlyǵy aıtyldy. Ákim tehnopark ishinde ǵana júretin ar­naıy avtobýs marshrýty ashylaty­nyn, al jol jóndeý úshin jer astyn­daǵy ınjenerlik kommýnıkasııa jelileriniń saraptamasy joqtyǵyna baılanysty bul istiń kesheýildeıtinin jetkizdi. Barlyq qujat qolǵa tımeı, jol jóndeýdi bastamaımyz, al joldyń oıylǵan jerlerin jamaý aqshany jelge ushyrǵanmen parapar. Sondyqtan meniń sizderge ótirik ýáde bergim kelmeıdi, osy sebepti kúte turýǵa májbúr bolasyzdar, dep sózin sıyrquıymshaqtatty. Sábıla Mustafına jazbasha jáne aýyzsha berilgen saýaldardyń barly­ǵy­na jaýap bere kelip, olardyń keıbireýlerin sheshýge baılanysty jekelegen azamattardy óziniń qabyl­daıtynyn aıtty jáne kómekshisine olardyń aty- jónderin jazdyryp alǵyzdy. Jalpy, aýdan boıynsha jumys jasaıtyn 28 aqparattyq-nasıhattyq toptar bar eken. Olar jurtshy­lyqpen 90 ret kezdesý ótkizip, olarǵa 24 375 adam qatysypty. Ár kez­desýde áleý­mettik máseleler, den­saýlyq saqtaý, bilim berý jumys­tarynyń sapasyn arttyrý, turǵyn úı máselesi kóterilip otyrypty. Sol kezdesýlerden soń júrgizilgen áleýmettik saýaldamalarǵa jıi súıene otyryp esep bergen ákimmen júzdesý aýdan tynysynyń baqy­laýda ustalatynyn tanytqandaı. Anar TО́LEÝHANQYZY.