2011 jylǵy 26 tamyz , Astana, Úkimet Úıi
«Tabıǵı monopolııalar sýbektileriniń rettelip kórsetiletin qyzmetteriniń (taýarlarynyń, jumystarynyń) tizbesin bekitý týraly» Qazaqstan Respýblıkasy Úkimetiniń 2006 jylǵy 14 naýryzdaǵy №155 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Tabıǵı monopolııalar sýbektileriniń rettelip kórsetiletin qyzmetteriniń (taýarlarynyń, jumystarynyń) tizbesin bekitý týraly» Qazaqstan Respýblıkasy Úkimetiniń 2006 jylǵy 14 naýryzdaǵy №155 qaýlysyna (Qazaqstan Respýblıkasynyń PÚAJ-y, 2006 j., №8, 71-qujat) mynadaı ózgeris engizilsin:
Kórsetilgen qaýlymen bekitilgen tabıǵı monopolııalar sýbektileriniń rettelip kórsetiletin qyzmetteriniń (taýarlarynyń, jumystarynyń) tizbesinde:
10-tarmaq mynadaı redaksııada jazylsyn:
«10. Qyzmettiń osy túrlerin usynýdyń tehnologııalyq múmkin bolmaýy ne ekonomıkalyq orynsyzdyǵy sebebinen básekeles baılanys operatory bolmaýy shartymen telekommýnıkasııalar salasynda:
1) jalpy paıdalanýdaǵy telekommýnıkasııalar jelisine:
jergilikti deńgeıde baılanys operatorlarynyń telekommýnıkasııalar jelilerin;
IR-telefonııa (Internet-telefonııa) operatorlarynyń jabdyqtaryn (qoljetimdilik toraptaryn) qalaaralyq deńgeıde qosý;
2) qosylatyn baılanys operatorlarymen:
Qosylatyn baılanys operatorlardyń telekommýnıkasııa jelilerinen jergilikti telefondyq trafıgin;
qosylatyn IR-telefonııa (Internet-telefonııa) operatorlarynyń jabdyqtarynan (-na) (qoljetimdilik toraptarynan) (-na) telefondyq trafıgin ótkizý.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.