Uıǵyr aýdany, Kepebulaq aýylynyń búldirshinderi jańa mektepte bilim ala bastady. 180 oryndyq jańa mektep synyptary jaryq, ári jan-jaqty jabdyqtalǵan. Pán kabınetteri de dáris berýge qolaıly-aq.
Bódeti orta mektebiniń ǵasyrlyq tarıhy bar. Sodan bolar, bilim ordasyn buryn támamdaǵan túlekter kóp jınalǵan. Samaılaryn aq qyraý shalǵan qazynaly qarttar jastarǵa aq tilekterin arnasa, jas býynnyń da aıtary mol boldy.
–Jańa mekteptegi kabınetter jarqyrap tur. Bizge jasalǵan qamqorlyq osydan-aq sezilýde. Bıylǵy oqý jyly «Táýelsizdiktiń 20 jyldyǵy – el mereıi» degen ashyq sabaqpen bastaldy. Mereıli jyldardaǵy tabystar jan-jaqty aıtyldy. Egemen eldiń ulandary eldik, ultjandylyq týraly óz oılarymen bólisip, pikir alysty, – dedi Bódeti orta mektebiniń oqýshysy Qymbat Qanash.
Kúmisjan BAIJAN,
Almaty oblysy.