Almaty oblysynda «Sýda abaı bolyńyz! Balalardy qaraýsyz qaldyrmańyz!» aksııasy ótti. Maqsat – jaz maýsymynda ózen-kól jaǵalaýlarynda qaýipsizdik saqtaý, zardap shegýshilerge alǵashqy kómek qolyn sozý, sýǵa júze almaıtyndardy jáne balalardy nazardan tys qaldyrmaýǵa úndeý. Zardap shegýshilerge járdemdeskende eń aldymen eskeretin óz ómiriń ekeni de eskertildi. Áıtpese, ózgeni qutqaram dep júrip ózi de sýǵa ketkender az emes. О́z betińizshe áreket etýge bel baılasańyz, aldymen qaýipsizdik erejelerin bilý mańyzdy. Budan da basqa biraz máseleler qamtylǵan aksııanyń eń basty artyqshylyǵy – ózen jaǵasynda tabıǵı jaǵdaıda ótkendigi. Demalýshylardy aralap júrip, eskertpe paraqtar taratqan oblystyq Tótenshe jaǵdaılar departamentiniń qyzmetkerleri qarapaıym halyqqa arnap oqý-jattyǵý jumystaryn ótkizdi. Demalýshylar nazaryna sýǵa batýshyny qutqarý qımyldary men oǵan kórsetiletin alǵashqy medısınalyq kómek jaıly kórinister usynyldy. Sýdan keletin qaterler jaıly arnaıy aqparattar berilip, qysqasha dáris oqyldy. «Sýǵa túsý maýsymynda oryn alatyn ólim jaǵdaılarynyń 70 paıyzy – mas kúıde sýǵa túskennen bolady. Al barlyq qaıǵyly oqıǵalardyń 98 paıyzy – arnaıy jabdyqtalmaǵan jáne shomylýǵa tyıym salynǵan jerlerde sýǵa túskendikten oryn alyp jatady. Jaǵajaıda qaýipsizdik erejelerin umytpaǵan jón. Sýdaǵy qaýipsiz demalys – erejelerdiń qatań saqtalýymen tikeleı baılanysty», deıdi mamandar. Bıylǵy jyldyń ózinde oblys boıynsha 9 adam sýǵa batqan. Onyń tórteýi bala. Teksere kelgende, tórteýin de ata-anasynyń qaraýsyz qaldyrǵany anyqtalǵan. Aksııa sharttaryna baılanysty, jedel-qutqarý jasaǵynyń qutqarýshylary men oblystyń TJD qyzmetkerleri jergilikti polısııa qyzmetkerlerimen birigip Qaratal jáne Balyqty ózenderiniń shomylýǵa tyıym salynǵan jerlerine reıd ótkizdi.
Almas NÚSIP, «Egemen Qazaqstan»
Almaty oblysy