«Memlekettik qyzmetshilerge qoǵam men memleket tarapynan úlken senim artylady. Ol Elbasy saıasatyn atqarýshy, memlekettik baǵdarlamalardyń júzege asýyna belsene atsalysady. Elbasy bastamasymen memlekettik apparatty jańǵyrtý, memlekettik qyzmetshiler biliktiligin kóterý jumystary júrgizilip jatyr. «Naqty 100 qadam» ulttyq josparynyń 15-qadamynda aıtylǵan mindetterge sáıkes memlekettik qyzmetshiniń biliktilik daıyndyǵyn anyqtaý úshin bıyl «B» korpýsyna keshendik attestasııa júrgizildi. 14-aqpan pen 28-sáýir aralyǵynda oblystaǵy atqarý jáne ókiletti organdardyń 2400-den asa memlekettik qyzmetshileri attestasııadan ótti. Olar joǵary daıyndyǵyn kórsetti, arnaıy komıssııa olardyń kópshiligine ári qaraı laýazymdyq qyzmetke kóterilýge kepildik berdi» dedi Arhımed Begejanuly.
Sonymen qatar, memlekettik qyzmetshilerdi Melekettik qyzmet jáne sybaılas jemqorlyqqa qarsy is-qımyl agenttigi Qostanaı oblysy boıynsha departamentiniń basshysy, Ádep jónindegi keńestiń tóraǵasy Berik Bekjanov tól merkesimen quttyqtady.
Saltanatty jınalysta memlekettik qyzmetshilerge oblys ákiminiń qurmet gramotasy, sondaı-aq memlekettik qyzmet jónindegi agenttik departamenti basshysynyń alǵys hattary úzdik qyzmetshilerge, qoǵamdyq qaıratkerlerge, jýrnalısterge tabys etildi. Merekege oraı departament «Úzdik memlekettik qyzmetshi-2017», «Balalar sýretteriniń baıqaýy» jáne «JOO stýdentteri arasynda sybaılastyqqa qarsy shabýyl» baıqaýlaryn ótkizgen bolady. Saltanatty jınalysta baıqaýlardyń jeńimpazdary marapattaldy.
Jıyn sońy oblys ónerpazdarynyń konsertine ulasty.
Názıra Járimbetova, «Egemen Qazaqstan»