"Elektrondyq úkimet" portaly arqyly Qazaqstan týraly, onyń Úkimeti, zańnamasy, nazar aýdararlyq oryndary týraly resmı aqparat alyp, sonymen qatar onlaın rejımde memlekettik organdar qyzmetine júginýge bolady. Búginde portal boıynsha 758 qyzmet túri kórsetiledi. Qazaqstandyqtar arasyndaǵy tanymaldylyǵy statıstıkalyq eseppen rastalady. Atap aıtsaq, portal qoldanýshylarynyń sany 6 mıllıonnan astam. Sonymen qatar 180 mıllıonnan astam qyzmet kórsetildi. Odan bólek smartfondar men planshetterde qoljetimdi "Elektrondyq úkimet" mobıldi baǵdarlamasy arqyly 80-nen astam qyzmet túrin paıdalanýǵa bolady. Búginge deıin oǵan 2.2 mıllıon paıdalanýshy tirkelip, 8 mıllıon qyzmet kórsetildi", dedi mınıstr.
Esterińizge sala ketsek, Astanadaǵy "Qazmedıa" ortalyǵynda Aqparat jáne kommýnıkasııalar mınıstri Dáýren Abaevtyń halyqpen eseptik kezdesýi ótýde.
Aıa О́mirtaı,
"Egemen Qazaqstan"