Atalǵan kitap elimizdiń bas kardıohırýrgy, elordadaǵy «Ulttyq ǵylymı kardıohırýrgııa ortalyǵy» aksıonerlik qoǵamynyń basshysy Iýrıı Pıanyń jetekshiligimen jasalǵan júrek almastyrý otasynyń 5 jyldyǵy qarsańynda «О́geı júrek» degen atpen basylyp shyqqan bolatyn. Al, bul joly Ǵusman Tóleǵuldyń aýdarýymen orys tilinde «Folıant» baspasynan jaryq kórip otyr. Kitaptyń demeýshileri – Qazaqstandaǵy koreıler assosasııasy men Parlament Májilisiniń bir top depýtattary. Bul týraly kitaptyń tusaýkeserin júrgizgen Qazaqstan halqy Assambleıasynyń jaýapty qyzmetkeri Názıpa Shanaı baıandady. Al, orys tilinde jurtshylyqqa jol alǵan týyndynyń tusaýyn Parlament Májilisiniń depýtaty Baqytjan Ertaev pen «Ulttyq ǵylymı kardıohırýrgııa ortalyǵy» AQ basqarma tóraǵasy Iýrıı Pıa kesti.
Jazýshy Sáýle Dosjanovanyń bul jınaǵyna úsh hıkaıat pen áńgimeleri engizilgen. Kitap atyn ıelengen «О́geı júrek» hıkaıaty týraly birer sóz. 2012 jyly elimizde alǵash ret júrek transplantasııasy, ıaǵnı, júrek aýystyryp salý otasy jasalǵany belgili. 46 jastaǵy Vorotnıkova Galına esimdi áıel ınsýlt alyp, mı ólimimen Astana aýrýhanasyna jetkizilgende, dárigerler ony ńjúregi men búırekteriniń qalypty jumys istep turǵanyn anyqtaıdy. Ol organdardy sol kezde júrek dertinen zardap shegip júrgen Jánibek Ospanov pen búırek aýrýyna shaldyqqan Evgenıı Kýrsqa berý týraly usynys aıtylyp, osy kúrdeli usynysqa marqumnyń uly 21 jastaǵy Igor kóp oılanǵan soń kelisimin beredi. Bul tuńǵysh otany áıgili kardıohýrýrg Iýrıı Pıa men onyń birinshi orynbasary Mahabbat Bekbosynava jasaıdy. Mine áıgili kardıohırýrgke arnalyp jazylǵan «О́geı júrek» hıkaıatyna osy oqıǵa arqaý bolǵan. Hıkaıatta negizinen ózgeniń júregin ıelengen Jánibektiń jan tolǵanysy men jańa ómiri haqynda syr shertiledi.
«Moe chýjoe serdse» kitabynyń tusaýkeserine jıylǵan kópshilik osydan bes jyl buryn ótken oqıǵaǵa qaıta bir áserlendi. Kitaby orys tilinde jaryqqa shyqqan jazýshyny quttyqtap, jyly lebizderin bildirdi.
Aıgúl SEIILOVA,
«Egemen Qazaqstan»