Partııa mektebiniń fılıaly ashyldy

Semeıde «Nur Otan» halyq­tyq-demokratııalyq partııasy Jo­­ǵary partııa mektebiniń aı­maq­tyq fılıaly saltanatty jaǵ­daı­da ashyldy. Atalǵan mek­tep­tiń alǵashqy fılıaly buǵan deıin elimizdiń batys óńirindegi Aqtóbe qalasynda ashylǵan bo­la­tyn. Onyń ashylý saltana­ty­na Qazaqstan Respýblıkasynyń Pre­­­zıdenti partııa Tóraǵasy, Nur­sul­tan Nazarbaevtyń ózi qa­tys­­qan-dy. Al bıylǵy jyldyń ma­myr aıynda osyndaı fılıal oń­tústik astanamyzda ashylǵan edi. Semeıdegi fılıal osyndaǵy kezinde saıası aǵartý úıi bolǵan, al qazirde Abaı atyndaǵy ob­lystyq kitaphana jaıǵasqan sáý­letti ǵımarattyń birinshi qa­batyna ornalasty. Osyǵan oraı ótken jıyndy ashyp júrgizip otyrǵan Joǵary partııa mek­te­biniń dırektory, professor Ba­qyt Esekına qazirgi qoǵamda bolyp jatqan ózgeris-jańalyq­tarǵa der kezinde ún qata ala­tyn, elimiz ben Elbasynyń ishki jáne syrtqy saıasatyn biliktilikpen júrgize biletin isker mamandar daıarlaý ýaqyt talaby ekendigin aıta kelip, ózderiniń tarapta­ry­nan qazirde atqary­lyp jatqan jumystarǵa qys­qasha toqtaldy. Aıtalyq, partııa mektebinde ótken oqý jylynda bir jarym myńǵa jýyq partııa qyzmetkeri ózderiniń biliktiligin arttyryp­ty. Al aldaǵy oqý jylynda ja­ńadan ashylǵan fılıalda kór­shi­les Shyǵys Qazaqstan jáne Pavlo­dar oblystarynan júzge jýyq par­tııa qyzmetkeri dáris tyńdap, tá­­jirıbe jınaqtap qaı­tatyn bolady. Jıynda sóz alǵan partııa­nyń Ortalyq apparaty jetek­shi­siniń mindetin atqarýshy Qu­mar Aq­sa­qalov partııa ómiriniń búgingi ty­nys-tirshiligi týraly sóz qoz­ǵasa, «Nur Otan» HDP Semeı qalasy bólimshesiniń tór­aǵasy, qala ákimi Aıbek Kárimov semeılikterge kórsetilgen qur­met­ke oraı fılıal jumysy jemisti bola­tyn­dyǵyna sendirdi. Eli­miz­diń rýhanı ortalyq­tary­nyń biri bo­lyp tabylatyn Semeı qalasyn­da oǵan múmkindik mol, dedi ol. Osyndaǵy qazaq gýma­nı­tarlyq-zań jáne ınno­va­sııa­lyq ýnıver­sı­tetiniń rek­to­ry, professor Shyryn Qurman­baeva da mun­da­ǵy zııaly qaýym ókil­de­ri­niń fılıal jumysyna qyzý at­sa­ly­sa­tyndyǵyna senim bildirdi. Budan keıin jańadan ashyl­ǵan fılıalda jergilikti partııa qyz­metkerlerine arnalǵan «Par­tııa­nyń tıimdi saılaý aldy ju­mysyn uıymdastyrýdyń nysan­dary men ádisteri» degen ta­qy­ryptaǵy eki kúndik semınar óz jumysyn bastap ketti. Fılıal basshysy bo­lyp buǵan deıin qa­lalyq ákim­diktiń apparat jetekshisi, til bóliminiń bastyǵy jáne basqa jaýapty jumystardy at­qar­ǵan Aıdar Samaev taǵaı­yn­dal­dy. Dáýlet SEISENULY, Semeı.