Kásipkerlikke qoldaý

Jaqynda О́skemen qala­syn­da «Nur Otan» halyqtyq-de­mokratııalyq partııasynyń belsendileri shaǵyn jáne orta ká­sipkerlikti qoldaý jónindegi ja­ńa baǵdarlamanyń tusaýkeserin jasady. Partııanyń ınnova­sııa­lyq komıteti tóraǵasynyń or­ynbasary Rústem Aqberdın jı­yndy ashyp turyp, bylaı dedi: – Kendi Altaıdaǵy iri ón­di­ris oryndarynyń el ekonomı­ka­syn arttyrýdaǵy úlesi erekshe zor. Endeshe ónerkásip oryn­da­ry sho­ǵyrlanǵan aımaqta partııa belsendileri shaǵyn jáne orta kásip­kerlikti odan ári damytý jóninde bastama kóterip otyr. Alaıda, óner­kásibi damyǵan óńir­lerde atal­mysh baǵdarlama saıabyrsyp qal­ǵan. Sondyqtan da, «Nur Otan» partııasy shaǵyn jáne orta kásipkerlikti odan ári qar­qyndy júrgizý úshin osynda kelip otyr. – О́ńirdegi «Qazsınk», «Qa­zaq­mys» alyptarynyń shaǵyn jáne orta kásipkerlikti damy­tý­ǵa úles qosyp otyrǵany belgili. Máselen, «Qazsınk» jaýapkershiligi shekteýli seriktestik osy­dan jeti jyl buryn «Pıssa blıýz servıs» shaǵyn kásiporny­men yntymaqtasa birlesip ju­mys isteı bastapty. Kásiporyn­daǵy jumysshylarǵa dárigerlik bilikti emdeý qyzmeti kórsetile bastaǵan. Qazir «Pıssa blıýz» aýyl­sharýashylyq taýar óndirýshi­le­ri­men kelisimge otyryp, jergilikti kásipkerlerden taǵamdar­dyń 90 paıyzyn satyp alyp ja­tyr. Sondaı-aq, «Qazsınk» ká­siporny jergilikti máshıne ja­saýshylarmen kelisimge kelip shah­talarda jumys isteıtin jab­dyqtar men qondyrǵylardy da satyp alýda. Eki jaqqa da tıimdi, jergilikti kásiporyndar óz ónimderin satyp, paıda tapsa, «Qazsınk» alys jaqtan qajetti zattardy izdep jatpaı óz ón­im­de­rin paıdalanýda. Tamasha dástúr! Rústem Aqberdınniń paıym­daý­ynsha, «Nur Otan» partııa­sy­nyń shaǵyn jáne orta kásip­kerlikti qoldaý jónindegi basta­masyn iri kásiporyndar qoldap otyrsa, el ekonomıkasy alǵa qaryshtap jasaı bermek. Bul oraıda, «Qazaqmys» kom­panııasy da jaqsy isterdiń bas­tamashysy bolyp keledi. Olar kásipkerlerge úndeý tastap, olar­dyń ónimderin barynsha kó­birek satyp alýǵa usynys ja­sady, tek olar sapaly bolsyn. Forým barysynda kemshilikter jaǵyna da toqtala ketti. Máselen, shaǵyn jáne orta ká­sipkerlikti odan ári damytý jó­nindegi qanshama baǵdarlamalar aıaqsyz qalyp jatyr. Bir ǵana mysal. Máselen, «Bıznestiń jol kartasy-2020» baǵdar­la­ma­sy boıynsha memleket tarapy­nan qoldaýǵa ıe bolǵan júzden astam kásiporyndardyń ishinde tek 12-si ǵana shaǵyn kásip­ker­lik­tiń úlesine tıesili. Onyń bas­ty sebebi, kepildikke salatyn dúnıe­lerdiń tapshylyǵy bolsa kerek. «Nur Otan» HDP Ortalyq apparaty jetekshisiniń orynba­sa­ry Rasýl Orazǵalıev óz só­zinde jańa baǵdarlamanyń jergilikti taýar óndirýshilerge kóp múm­kindik beretinine toqtala ketti. – Elbasy, Ult kóshbasshysy N.Nazarbaev jaqsy damyǵan mem­leketter qataryna qosylý jó­ninde naqty tapsyrma bergeni belgili. Al ol úshin óndiristi da­my­týmen birge, shaǵyn jáne orta kásipkerlikti de alǵa batyl jy­l­jytý kerek. «Nur Otan» par­­tııa­sy shaǵyn jáne orta ká­sipker­lik­ti elimizdegi iri óndiris oshaq­ta­ry­men birlesip alǵa jyl­jytýdy kózdep otyr, – dedi R. Orazǵalıev. – Eger atalmysh baǵdarlama qabyldanyp, jumys isteı bastasa shaǵyn kásipkerlikti qoldap qana qoımaı, olarǵa jan-jaqty kómek kórsetýge ázirmiz, –dedi «Qazsınk» JShS vıse-prezıdenti Andreı Lazarev. Ońdasyn ELÝBAI.