Qoǵamnyń dertine aınalǵan jemqorlyqtyń aldyn alý týraly az aıtylyp júrgen joq. Nátıjesi de jaman emes. Jalpy, jurtshylyqtyń qatysýymen qoǵamdy tazartý maqsatyndaǵy mańyzdy sharalar qatarynda «Nur Otan» halyqtyq-demokratııalyq partııasy oblystyq fılıaly men Sýretshiler odaǵynyń óńirdegi fılıaly uıymdastyrǵan «Seniń «jemqorlyq joq!» degeniń mańyzdy» atty respýblıkalyq plakattar baıqaýynyń irikteý týry ótti.
Baıqaýda qylqalam sheberleri men mektep oqýshylary belsendilik tanytyp, atalǵan taqyrypty ashýǵa shyǵarmashylyqpen den qoıdy. О́ńirdegi 25 avtordyń týyndysyn baıypty saraptaý barysynda Qazaqstan Sýretshiler odaǵynyń múshesi Abaı Nurǵazyuly birinshi, qapshaǵaılyq Erjan Nurpeıisov ekinshi, taldyqorǵandyq Alına Qarabalaeva úshinshi oryndardy ıelenip, baǵaly syılyqtar aldy. Jeńimpazdar týyndysy Astanada ótetin baıqaýǵa qatystyrylatyn boldy.
Kúmisjan BAIJAN,
Almaty oblysy.