«Astana», «Saltanat», «Báıterek»...

Osyndaı qazaq tilindegi ádemi ataýlarmen bul kúnderi oblys ortalyǵyndaǵy «KazBytHım» jaýapkershiligi shekteýli seriktestigi  ınnovasııalyq  baǵytta, shaǵyn jáne orta kásipkerlikti damytyp, sýsabyndar, hosh ıisti maılar, kúndelikti turmysqa qajetti  túrli suıyq jýǵysh zattar shyǵarýda. Qala shetinde ornalasqan kásiporynǵa kelgende  aınala­nyń tazalyǵy, aýla toly kók­ónis­ter kózge túsedi. Qyza­naq­tar «kúz keldi, biz de pistik» degendeı qyp-qyzyl bolyp tur. Seriktestik  dırektorynyń or­yn­basary  Aleksandr Dzıý­ba­nyń aıtýynsha, bul kásip­oryn­nyń ózderi ekken baý-baqshasy eken. Úsh mezgil tamaqtanatyn jumysshylar úshin jaǵdaı ja­salǵan, azyq-túlik qysy-jazy ózderine jetedi. Al, jalpy osy sýsabyndar shyǵaratyn shaǵyn kásiporyndy quryp, jınaqtaý úshin  budan úsh jyl buryn 90 mıllıon teńgedeı qarajat jum­salǵan. Jobanyń  júzege asýy­na oblys basshysy Baqyt­jan Saǵyntaev  tarapynan qol­daý kórsetilipti. Kásiporynnyń syrtqy  aýlasy qandaı taza bolsa, seh ishi de sondaı taza, jaryq. Burynǵydaı shań-tozań, shyńyldaǵan, qulaq tundyrar shýly dybystar estilmeıdi. Alek­sandr bizge sýsabyndar quıylatyn kádimgi qutylardyń, olardyń qaqpaqsha tyǵyndary­nyń qalaı jasalatynyna deıin aıtyp, kórsetip shyqty. Tań­qa­lar­lyq jaǵdaı. Jańa zaman teh­nıkasy, barlyǵy da avtomatty túrde, arnaıy tetikter arqyly bas­qarylady. Bir sátte-aq sary tústi qutylar, qyzyl tústi qaq­paqtar úıilip qalady. Kásip­ker­lik jolyn tańdaǵan bul kásip­oryn aldaǵy ýaqytty ıis sabyn, kir sabyn, sýsabyn, buıymdardy aǵartqysh sekildi turmysqa qa­jet­ti zattar shyǵarmaqshy. Shıkizat  Eýropadan jetkiziledi. Kún­delikti ómirge qajetti mundaı zattardyń bári derlik qazir shet jaqtardan ákelinetini de belgili. Qýaty táýligine 12 tonna jýǵysh zattar shyǵara alatyn pav­lo­dar­lyq «KazBytHım» seriktestigi aldaǵy ýaqytta sheteldik taýar­lardy ysyryp tastap, alǵa túsip keter dep te aıta almaımyz, degenmen, sýsabyndar rynogyna enip, bir jol salǵan soń, bas­taǵan isteri ońynan týar dep oı­laı­myz. О́ıtkeni, óndiris orny­nyń jab­dyqtalýy sheteldikterden kem emes kórinedi, barlyǵy da av­tomatty júıege qosylǵan. Kásiporyn sýsabyn quıatyn plastık qutylardy da  ózderi  shy­ǵa­rady. Jýǵysh zattardyń  40-tan astam túrleri oblystaǵy aýyl-aımaq, qala dúkenderine jiberiledi. Aleksandr Dıýzbanyń aı­týyn­sha, bul kúnderi tek  oblys aýmaǵynda emes, basqa da ob­lys­tarǵa, atap aıtqanda, Astana qa­lasy, Qostanaı, Qaraǵandy, Kók­shetaý oblystary jańa ónimderge tapsyrys berip qoıypty. Bulaı bolatyny otandyq taýardyń quny sheteldik taýar qunynan ál­deqaıda arzan. Oblys orta­ly­ǵyn­da jańadan ashylǵan kásip­oryn­da 50-deı adam jumys ja­saı­dy. Eger tapsyrys ári qaraı molaıyp jatsa, jumyskerler sany taǵy da jıyrma adamǵa kó­beıýi múmkin. Endi kásiporyn óz­deri  shyǵaratyn  ónim túrleriniń sanyn 450-ge deıin jetkizbekshi. Jańa ınnovasııalyq teh­no­logııalardyń jetistigi arqa­syn­da osyndaı josparlarǵa qol jetkize alady. Al, seriktestik dırektory Armen Ef­re­mıan­nyń aldaǵy jumys jos­par­lary da qaýyrt eken. Endi oblys ortalyǵynan óz ónim­deri úshin  saýda ornyn da ash­paqshy bolyp otyr. Aldaǵy jyl­dyń kókteminen bastap, tis syqpasy men ártúrli krem túr­lerin shyǵara bastaıdy. Suıyq sabynnyń, sýsabyn, vanna men keramıkalyq materıaldardy ta­zartýǵa arnalǵan suıyqtar, ydys shaıǵyshtar, aǵart­qysh­tar sapasyna kóńil bólingen. Jańa ónimderge jańasha «Astana», «Báıterek», «Saltanat», «Saryarqa», «Karına», «Qaısar» degen sııaqty qazaq tilindegi ataýlar berilgen. Farıda BYQAI, Pavlodar. Sýretterdi túsirgen A.Parhomenko.