Qazaqstan Respýblıkasy Ishki ister Qazaqstan Respýblıkasy
mınıstrliginiń buıryǵy Ekonomıkalyq damý jáne saýda
2011 jylǵy 11 tamyz № 410, mınıstrliginiń buıryǵy
Astana qalasy 2011 jylǵy 12 tamyz № 241,
Astana qalasy
Esirtki quraldarynyń, psıhotroptyq zattar men prekýrsorlardyń aınalymy salasyndaǵy qyzmetti júzege asyratyn jeke kásipkerlik sýbektileriniń táýekel dárejesin baǵalaý ólshemderin bekitý týraly
«Qazaqstan Respýblıkasynyń ishki ister organdary týraly» 1995 jylǵy 21 jeltoqsandaǵy Qazaqstan Respýblıkasy Zańynyń 5-1-baby 1-tarmaǵynyń 7-1) tarmaqshasyna jáne «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasynyń Zańy 15-babynyń 1-tarmaǵyna sáıkes buıyramyz:
1. Qosa berilip otyrǵan esirtki quraldarynyń, psıhotroptyq zattar men prekýrsorlardyń aınalymy salasyndaǵy qyzmetti júzege asyratyn jeke kásipkerlik sýbektilerin tekserý paraǵynyń nysany bekitilsin.
2. Qazaqstan Respýblıkasy Ishki ister mınıstrliginiń Esirtki bıznesine qarsy kúres jáne esirtki aınalymyn baqylaý komıteti (A.N. Vyborov):
1) Qazaqstan Respýblıkasy Ádilet mınıstrliginde osy buıryqty memlekettik tirkeýdi;
2) Qazaqstan Respýblıkasy Ádilet mınıstrliginde memlekettik tirkegennen keıin osy buıryqty resmı jarııalaýdy;
3) Qazaqstan Respýblıkasy Ishki ister mınıstrliginiń resmı ınternet-resýrsynda osy buıryqty jarııalaýdy qamtamasyz etsin.
3. Astana, Almaty qalalarynyń, oblystardyń jáne kóliktegi ishki ister departamentteriniń bastyqtary osy buıryqty zerdeleýdi jáne onyń talaptaryn oryndaýdy uıymdastyrsyn.
4. Osy buıryqtyń oryndalýyn baqylaý Ishki ister mınıstriniń birinshi orynbasary M.Ǵ. Demeýovke júktelsin.
5. Osy buıryq alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Qazaqstan Respýblıkasynyń
Ishki ister mınıstri Ekonomıkalyq damý jáne caýda
__________ Q.QASYMOV. mınıstriniń mindetin atqarýshy
__________ D.ShÁJENOVA.
Qazaqstan Respýblıkasy Ishki ister mınıstriniń 2011 jylǵy 11 tamyz №410
jáne Qazaqstan Respýblıkasy Ekonomıkalyq damý jáne saýda vıse-mınıstriniń
2011 jylǵy 12 tamyz № 241 birlesken buıryǵymen bekitilgen
Esirtki quraldarynyń, psıhotroptyq zattar men prekýrsorlardyń aınalymy salasyndaǵy qyzmetti júzege asyratyn jeke kásipkerlik sýbektileriniń táýekel dárejesin baǵalaý ólshemderi
1. Osy Esirtki quraldarynyń, psıhotroptyq zattar men prekýrsorlardyń aınalymy salasyndaǵy qyzmetti júzege asyratyn jeke kásipkerlik sýbektileri salasynyń táýekel dárejesin baǵalaý ólshemderi (budan ári – ólshemder) «Qazaqstan Respýblıkasyndaǵy memlekettik baqylaý jáne qadaǵalaý týraly» jáne «Qazaqstan Respýblıkasynyń ishki ister organdary týraly» Qazaqstan Respýblıkasynyń zańdaryna sáıkes josparly tekserister júrgizý úshin esirtki quraldarynyń, psıhotroptyq zattar men prekýrsorlardyń aınalymyndaǵy sýbektilerdi táýekel toptaryna jatqyzý jáne sýbektilerdi irikteý maqsatynda ázirlendi.
2. Osy ólshemderde mynadaı uǵymdar paıdalanylady:
táýekel – saldarlarynyń aýyrlyq dárejesin eskere otyryp, tekseriletin sýbektiler qyzmetiniń nátıjesinde adamnyń ómirine nemese densaýlyǵyna, qorshaǵan ortasyna, jeke jáne zańdy tulǵalardyń zańdy múddelerine, memlekettik múliktik múddesine zalal keltirý yqtımaldyǵy.
Tekseriletin sýbektiler - esirtki quraldarynyń, psıhotroptyq zattar men prekýrsorlardyń aınalymy salasynda áreket etýshi zańdy tulǵalar.
3. Josparly tekserýler júrgizýdiń merzimdiligi táýekel dárejesine baılanysty myna merzimderden:
joǵary dárejeli táýekel kezinde – jylyna bir retten;
orta dárejeli táýekel kezinde – úsh jylda bir retten;
eleýsiz dárejeli táýekel kezinde – bes jylda bir retten jıi emes aralyqtarǵa belgilenedi.
4. Táýekel dárejelerin baǵalaý ólshemderi 2 túrge bólinedi:
1) obektıvtik – tekseriletin sýbektilerdiń qyzmetin júzege asyrý kezinde jol berilýine baılanysty aıqyndalady;
2) sýbektıvtik – tekseriletin sýbektilerdiń belgilengen talaptardy buzýǵa jol berýine baılanysty aıqyndalady.
5. Tekseriletin sýbektilerdi táýekel dárejelerine bastapqy ret jatqyzý júzege asyratyn qyzmet túrine baılanysty táýekel dárejesin baǵalaýdyń obektıvtik ólshemderiniń negizinde júzege asyrylady:
joǵary dárejeli táýekel – esirtki quraldary men psıhotroptyq zattardyń óndirisin jáne (nemese) kóterme satýdy júzege asyratyn sýbektiler;
orta dárejeli táýekel – prekýrsorlardyń óndirisin jáne (nemese) kóterme satýdy júzege asyratyn sýbektiler;
eleýsiz dárejeli táýekel - prekýrsorlardy óziniń óndiristik qyzmetinde qoldanatyn sýbektiler.
6. Tekseriletin sýbektilerdi táýekel dárejeleri boıynsha ekinshi ret jatqyzý eleýli zań buzýshylyqtar men eleýsiz zań buzýshylyqtar jatqyzylatyn sýbektıvtik ólshemderdi eskere otyryp júzege asyrylady.
7. Esirtki quraldarynyń, psıhotroptyq zattar men prekýrsorlardyń aınalymy kezindegi eleýli zań buzýshylyqtarǵa mynalar jatady:
1) aýmaqtyq ishki ister organynyń esirtki quraldarynyń, psıhotroptyq zattar men prekýrsorlardyń aınalymy salasyndaǵy obektiler men úı-jaıdy paıdalanýǵa ruqsatynyń joqtyǵy;
2) kúzet jáne (nemese) dabyl sıgnalızasııasynyń joqtyǵy;
3) nómirlengen, baýmen tigilgen jáne Qazaqstan Respýblıkasy IIM EBQKK-niń mórimen bekitilgen esirtki quraldaryn, psıhotroptyq zattar men prekýrsorlardy esepke alý jýrnalynyń joqtyǵy.
8. Esirtki quraldarynyń, psıhotroptyq zattar men prekýrsorlardyń aınalymy kezindegi eleýsiz zań buzýshylyqtar:
1) tekserý paraqtarynda kórsetilgen tekseriletin sýbektilerdiń obektileri jáne úı-jaılary «Esirtki quraldary, psıhotroptyq zattar men prekýrsorlar aınalymy salasyndaǵy obektiler men úılerdi paıdalaný úshin ruqsat berý tártibi týraly» nusqaýlyqty bekitý týraly Qazaqstan Respýblıkasy Ishki ister mınıstriniń 2001 jylǵy 16 aqpandaǵy № 141 buıryǵynyń (normatıvtik aktilerdiń memlekettik tirkeý tiziliminde № 1426 bolyp tirkelgen) talaptaryna sáıkes kelmeýi;
2) esirtki quraldaryna, psıhotroptyq zattar men prekýrsorlarǵa ruqsat alǵan sýbektiniń qyzmetkerlerinde ishki ister organdarynyń tıisti tekserýinen ótkeni týraly qorytyndynyń bolmaýy;
3) esirtki quraldaryna, psıhotroptyq zattar men prekýrsorlarǵa ruqsat alǵan sýbektiniń qyzmetkerlerinde narkologııalyq jáne júıke aýrýlary dıspanserlerinen nashaqorlyq, ýytqumarlyq jáne alkogolızm aýrýlarynyń joq ekeni týraly anyqtamalarynyń bolmaýy;
Eleýsiz dárejeli táýekel tobyna kiretin tekseriletin sýbektiler birden astam eleýli ne bolmasa 3 eleýsiz zań buzýshylyqqa jol bergen jaǵdaıda orta dárejeli táýekel tobyna aýystyrylady.
Orta dárejeli táýekel tobyna kiretin tekseriletin sýbektiler birden astam eleýli ne bolmasa úsh eleýsiz zań buzýshylyqqa jol bergen jaǵdaıda joǵary dárejeli táýekel tobyna aýystyrylady.
Sońǵy tekseris kezinde tekseriletin sýbektiden zań buzýshylyqtar anyqtalmaǵan jaǵdaıda obektıvtik ólshemder boıynsha joǵary dárejeli táýekel tobyna jatqyzylǵan zańdy tulǵalardy (esirtki quraldary men psıhotroptyq zattardy óndirýshilerdi jáne kóterme satýshylardy) qospaǵanda, ol táýekel dárejesi kem topqa aýystyrylady.
9. Mynalar:
1) buryn anyqtalǵan eleýli zań buzýshylyqtar;
2) esirtki quraldary, psıhotroptyq zattar men prekýrsorlar aınalymynyń kólemi;
3) sońǵy tekseris kúni bir dárejedegi táýekel obektilerinde tekserýdi basym josparlaý úshin negiz bolyp tabylady.
Buıryq Qazaqstan Respýblıkasynyń Ádilet mınıstrliginde 2011 jylǵy 25 tamyzda Normatıvtik quqyqtyq kesimderdi memlekettik tirkeýdiń tizilimine №7142 bolyp engizildi.