Keshe Prokýrorlardyń halyqaralyq qaýymdastyǵynyń Ortalyq, Shyǵys Eýropa jáne Ortalyq Azııa elderi úshin 6-shy óńirlik konferensııasy aıasynda Qazaqstan Respýblıkasynyń Bas prokýrory Ashat Daýylbaevtyń Saýd Arabııa Koroldiginiń Bas prokýrory Sheıh Mohammad bın Fahdpen, Albanııanyń Bas prokýrory Ina Ramamen, Túrik Respýblıkasynyń Bas prokýrory Hasan Erbılmen, Prokýrorlardyń halyqaralyq qaýymdastyǵynyń prezıdenti Djeıms Gamıltonmen, sondaı-aq Malaızııa Bas prokýrorynyń orynbasary Datýk Idrýs bın Harýnmen ekijaqty kezdesýleri ótti.
Kezdesý barysynda taraptar qadaǵalaý organdarynyń qyzmetiniń qalyptasýy men damý tájirıbesi jaıynda ózara aqparattar almasyp, ekijaqty yntymaqtastyqtyń keleshekterin talqylap, qarym-qatynas salalaryn odan ári damytýǵa jáne jalǵastyrýǵa múddelilik tanytty.
Áńgimelesýshiler azamattardyń bostandyqtary men quqyqtaryn qamtamasyz etý, memlekettiń ekonomıkalyq múddelerin qorǵaý, halyqaralyq quqyq qorǵaý tájirıbesin úırený aıasyndaǵy qarym-qatynasty nyǵaıtý turǵysynda forýmdy ótkizýdiń mańyzdy ekenin atap ótti.
A.Daýylbaev Qazaqstan Respýblıkasy Bas prokýratýrasynyń aımaqtyq yntymaqtastyqtyń pármendi tetigi bolyp tabylatyn Prokýrorlardyń halyqaralyq qaýymdastyǵy aıasyndaǵy halyqaralyq qatynastardy damytýǵa erekshe nazar aýdaratynyn atap kórsetti, dep habarlady Qazaqstan Respýblıkasy Bas prokýratýrasynyń baspasóz qyzmeti.