Poezııa jáne jýrnalıstıka salasynda artyna mol mura qaldyrǵan Eslám Zikibaevtyń 75 jyldyǵy týǵan jerinde keńinen atalyp ótti. Sondaı ıgi sharanyń biri «Aqyn bolyp ǵumyr keshý» degen taqyrypta M.Qozybaev atyndaǵy SQMÝ-da qanat qaqty. Ádebı-sazdy keshke aqynnyń jary Roza Zikibaeva, marqumnyń týǵan-týystary men ónersúıer qaýym qatysyp, óleń-jyrlarynda shyndyqty, tazalyqty, páktikti jyrlap ótken aqynnyń adamgershilik asyl qasıetteri, shyǵarmashylyq qoltańbasy jaıly nebir syrlar shertildi. «Aqıqat» jýrnalynyń bólim meńgerýshisi, belgili pýblısıst Sarbas Aqtaı, Eýrazııa ýnıversıtetiniń professory Semeteı Jýsanbaev, jergilikti aqyndar Mútallap Qanǵojın, Bolat Qojahmetov jáne taǵy basqalar tulǵaly azamattyń ishki jan dúnıesine tereń boılap, aǵynan aqtaryldy. Til ınstıtýtynyń stýdentteri aqynnyń óleńderin naqyshyna keltire oqyp berdi. Onyń óleńderine jazylǵan ánder áýelete shyrqaldy.
Sondaı-aq, aqynnyń jyr toptamalary eki tomdyǵynyń tusaýkeseri ótti.
Aqynnyń mereıtoıy odan ári týǵan jeri О́rnek aýylynda jalǵasty.
О́mir ESQALI, Soltústik Qazaqstan oblysy.