Zaýyttyń jumysyna jalpy quny 250 mln qarjy jumsalǵan. Jańadan 26 adam jumyspen qamtylyp otyr. Zaýyttyń qýattylyǵy saǵatyna 1000 dana 5 lıtrlik jáne 5000 dana 1 lıtrlik qutydaǵy aýyz sýy shyǵarylady. Zaýytty«A-SPEKTR» jaýapkershiligi shekteýli seriktestigi júzege asyrýda.
Jańa sehtaǵy barlyq tehnologııalyq prosess sapa standarttaryna sáıkes júzege asyrylady. О́ndiristik qabatta hımııalyq, bakterıologııalyq zerthanalardyń ornalasýy ónim sapasyn jan-jaqty tekserýge asa qolaıly bolýda.
Sehtyń ashylýyna aýdan ákimi Nurbol Turashbekov, aýyl turǵyny M.Ibragımov sóz sóılep, aýyl ishinen ashylyp otyrǵan sehtyń jumysyna sáttilik tiledi. Zaýyt lentasy qıylǵan soń qonaqtar sehtardy aralap kórip, zaýyt jumysymen tanysty.
Jalpy bul zaýyt Elbasynyń «Bolashaqqa baǵdar: Rýhanı jańǵyrý» maqalasyndaǵy týǵan jerdi damytý baǵdarlamasy boıynsha aýyldy damytý maqsatynda aýyl týmasy, zeınetker J.Sultanov qolǵa alyp, aýyl halqyn jumyspen qamtyp otyr. Kásipker keleshekte ónim kólemin ulǵaıtyp, tutyný naryǵy aıasyn keńeıtýdi josparlaýda. Tirshilik nári óńirdegi barlyq aýyl-aımaqqa usynylyp, saýdaǵa shyǵarylýda.
Aıta ketetin jaıt aýdan ákimdigi aldaǵy ýaqytta osyndaı tamasha tabıǵat aıasynda tabıǵatqa zııan kelmeıtin óndiris oryndaryn salyp, aımaq halqyna taza tabıǵı ónimdermen qamtýdy kózdeýde.