12 tamyz kúni shamamen 20.00-de QR UQK ShQ «Ońtústik» óńirlik basqarmasynyń Taraz shekara otrıady «Jasórken» shekara beketi jasaqtarynyń memlekettik shekarany kúzetý jáne qorǵaý qyzmetin atqarýy kezinde Qazaqstan men Qyrǵyzstan arasyndaǵy memlekettik shekaranyń spıraldy beldeýinen jol jasap ótpek bolǵan quqyq buzýshylar toby anyqtaldy.
Olar shekarashylardyń quqyqqa qaıshy áreketterin toqtatý týraly zańdy talaptaryna baǵynbaı, shekara jasaǵyna qarsy túrli quraldar paıdalana otyryp, qol kúshin jumsaǵan.
Áskerı qyzmetkerlerdiń ómiri men densaýlyǵyn saqtap qalý maqsatynda shekara jasaǵynyń aǵa qyzmetkerleri aspanǵa baǵyttaı eskerte atqannan keıin, sondaı-aq, quqyq buzýshylar tarapynan shekarashylardyń zańdyq talaptaryn oryndaýshylyq bolmaǵandyqtan shabýylshylarǵa qatysty qarý qoldanyldy (eki ret oq atyldy). Sonyń saldarynan shabýylshylardyń biri jaraqat alyp, qalǵandary jaraly joldastaryn súıemeldeı Qazaqstan Respýblıkasy aýmaǵyndaǵy jaqyn eldi mekenderdiń birine qaraı izderin jasyrdy. Keıinnen jaraqat alǵan adamnyń qaza tapqandyǵy belgili boldy.
Qazirgi ýaqytta shabýyl jasaýshylardyń tulǵasyn anyqtaý boıynsha izdeý jáne tártiptik sharalary júrgizilip jatyr.