Kezdesý barysynda ekijaqty yntymaqtastyqty odan ári damytý, onyń ishinde tehnıkalyq kómek kórsetý, temir jol tarıfterin sáıkestendirý, azamattarǵa qoıylatyn kóshi-qon talaptaryn jeńildetý máseleleri talqylandy. Taraptar Qazaqstan men Qyrǵyzstan arasyndaǵy yntymaqtastyqtyń 2017-2020 jyldarǵa arnalǵan keshendi baǵdarlamasyn ázirleýdegi eleýli ilgerileýdi atap ótti, ol taıaý keleshekke eki el arasyndaǵy strategııalyq seriktestik pen ózara tıimdi qarym-qatynastardy damytý men nyǵaıtýdyń jol kartasyna aınalýy tıis.
Budan ózge, premer-mınıstrler eki taraptyń qazaqstandyq-qyrǵyz memlekettik shekarasyn mejeleý boıynsha shartqa qol qoıýǵa ázirlik deńgeıin baǵalady.
Sonymen qatar eki eldiń óńirlik uıymdarda, sonyń ishinde Túrkitildes memleketter yntymaqtastyǵynyń keńesi aıasynda ózara is-qımyl jasasýyna qatysty taqyryptar qozǵaldy.
Oǵan qosa, B.Saǵyntaev pen S.Jeenbekov Astanada EKSPO-2017 kórmesin jáne bıylǵy 31 tamyzda ótetin Qyrǵyzstannyń ulttyq kúnin ótkizý barysyn talqylady.
Kezdesý sońynda Baqytjan Saǵyntaev Qyrǵyzstandy halyqaralyq kórmeni qorytyndylaıtyn IYU Ǵylym jáne tehnologııalar jónindegi sammıtine belsendi qatysýǵa shaqyrdy.