Elbasymyz latyn álipbıine kóshýdi usynǵanymen, bul iste asyqpaı, baıyppen ózge elderdiń tájirıbesin zertteı otyryp áreket etýdi tapsyrǵan bolatyn. Biz osy baǵytta oıdaǵydaı qadam jasaýdamyz.
A.Baıtursynov atyndaǵy Til bilimi ınstıtýtynyń mamandary sońǵy on bes jyl boıy tııanaqty zertteý júrgizip, óz nusqalaryn usynýda. Bul baǵytta til mamandarynyń aıtatyn kóptegen pikirleri bar dep oılaımyn. Eń mańyzdysy qazaq tiliniń ishindegi qazaqqa ǵana tán birqatar dybystar bar. Oǵan baılanysty el ishindegi pikir de ár alýan. Osy ispen tikeleı aınalysyp júrgen mamandarymyz óz jobalaryn taǵy da pysyqtap, tolyqtyryp, sońǵy nusqasyn usynýy tıis.
Qalaı desek te, óz zamanynda aıtylǵanymen Ahmet Baıtursynovtyń álipbıge qatysty mynadaı qanatty sózi áli de óz mańyzyn joıǵan joq. Ol ulttyq álipbıdiń erekshe tórt ólshemin tizgen. Onyń birinshisi jeńil ári tilge oramdy bolýy kerek dese, ekinshi ólshemi dep tańbanyń azdyǵy men jazýǵa ıkemdiligin atap ótken. Sol sııaqty jazý prosesinde yqshamdylyǵy men yńǵaılylyǵy úshinshi ólshem retinde kórsetilse, tórtinshisinde úırenýge ońaı bolýy tıis dep túıindegen. О́z basym osy ólshemge saı álipbı nusqasyn tańdaıtyndyǵymyzǵa senemin.
Murat BAQTIIаRULY, Senat depýtaty