Qazirgi ýaqytta «EKSPO-2017»-niń taǵy da 23 jobasyn paıdalaný múmkindigi qarastyrylyp jatyr. Bul týraly búgin Atyraý oblysynyń ákimi Nurlan Noǵaev Úkimettiń baspasóz ortalyǵynda ótken brıfıngte aıtty.
Nurlan Noǵaevtyń aıtýynsha, «EKSPO-2017» halyqaralyq kórmesine Atyraý oblysynan 82 902 adam barǵan. Bul - respýblıka boıynsha joǵary kórsetkish.
Atyraý oblysy ákimi aımaqta «Jasyl energııa» tehnologııasy boıynsha jalpy somasy 140,218 mlrd teńgeniń 5 jobasy júzege asyrylyp jatqanyn aıtty. Olardyń bári de EKSPO-2017 halyqaralyq kórmesinde nazarǵa usynyldy.
Nurlan Noǵaev, sondaı-aq, memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan mindetter boıynsha aımaqta 1,6 mlrd teńgege 106 joba júzege asyrylatynynan habarlady. Onyń 1,088 mlrd teńgesi – kásipkerlerdiń demeýshilik qarajaty.