Qalalyq máslıhattyń turaqty komıssııasy oblys ortalyǵyndaǵy osy máselege oraı qoǵamdyq tyńdaý ótkizdi. Jıynǵa qoǵam belsendileri, jastar jáne qala turǵyndary qatysty.
Mádenıet jáne tilder bóliminiń habarlaýynsha, ǵalymdar, zııaly qaýym ókilderi Lenın kóshesin Astana kóshesine aýystyrý jóninde ótinish túsiripti. Zańda belgilengen tártip boıynsha tıisti qujattardy jınap, qalalyq máslıhattyń turaqty komıssııasyna usynypty. Qoǵamdyq tyńdaýǵa kelgen kópshilik bastamashy toptyń usynysyn qoldady. Qoǵamnyń pikirin tyńdaǵan depýtattar daýysqa salý arqyly ataýdy ózgertý jónindegi usynysty qanaǵattandyrý týraly arnaıy hattama ázirledi. Osy aptada ótken sessııa barysynda 20 depýtattyń barlyǵy Lenın kóshesin aýystyrý boıynsha daýys bergen.
Aldaǵy 16 jeltoqsan Táýelsizdik kúni kóshe ataýy Astana dep atalady. Oblys ortalyǵynda búgingi kúnniń maqsat-múddesin saı kelmeıtin 200-daı kóshe ataýlary bar.
Farıda BYQAI, «Egemen Qazaqstan»
Pavlodar