Galına Vıshnevskaıa men Maksım Braýnnan turatyn Qazaqstan quramasy Shvesııanyń Estersýnd qalasynda ótip jatqan Álem kýbogynyń alǵashqy kezeńinde aralas estafetadan qola medal jeńip aldy, dep habarlaıdy Vesti.kz.
Altyn medalge avstrııalyq bıatlonshylar Lıza Tereza Haýzer men Sımon Eder qol jetkizse, kúmis germanııalyq Vanessa Hıns pen Erık Lesserdiń enshilerinde ketti.
Qazaq bıatlonshylar qolaǵa qol jetkizerde Olımpııalyq oıyndardyń chempıony Marten Fýrkad pen onyń áriptesi Marı Doren-Aberden ozyp ketip, olardy tórtinshi orynda qaldyrdy.
23 jastaǵy Vıshnevskaıa men 24 jastaǵy Braýn úshin bul – Álem kýbogy kezeńderindegi alǵashqy medal. Bul jeńistiń ereksheligi sol, qazaq bıatlonshylar alǵash ret Álem kýbogy estafetasynda jeńimpazdar qatarynan tabylyp otyr.
Atap óterlik jaıt, Estersýndtaǵy kezeń 3 jeltoqsanda aıaqtalyp, bes kúnnen soń bıatlonshylar avstrııalyq Hohfılsende jarysady.