Sırııada urys is-qımyldaryn toqtatý rejımine kepildik berýshi elderdiń delegasııalary 21-22 jeltoqsanda ótetin kelissózderdiń kelesi raýndyna qatysý maqsatynda Astanaǵa kelýde, dep habarlaıdy Syrtqy ister mınıstrliginiń baspasóz qyzmeti.
Reseı delegasııasyna RF Prezıdentiniń Sırııa boıynsha Arnaıy ókili Aleksandr Lavrentev, Túrkııa delegasııasyna syrtqy ister mınıstriniń orynbasary Sedat Onal, Iran delegasııasyna syrtqy ister mınıstriniń orynbasary Hýseın Djaberı Ansarı basshylyq etedi.
Sondaı-aq, aldaǵy kezdesýge Sırııa úkimetiniń jáne sırııalyq oppozısııanyń, BUU, baqylaýshy elder – AQSh jáne Iordanııanyń ókilderi qatysady. 21 jeltoqsanda kópjaqty konsýltasııalardyń ótýi kózdelýde. Jalpy otyrys 22 jeltoqsanǵa josparlanǵan.