Qostanaı oblystyq balalar úıi jabylyp, ondaǵy balalar Rýdnyı qalasyndaǵy balalar úıine ornalastyrylady.
165 oryndyq bolatyn oblystyq balalar úıinde buǵan deıin 52 bala turyp jatqan bolatyn. Onyń 20-sy byltyr bitirgen túlekter ekenin eseptesek, úlken ǵımaratta 32 jetim bala ǵana qalǵan. Sondyqtan oblystyq Bilim berý basqarmasy eki mekemedegi balalardy qosýdy tıimdi dep tapty. Rýdnyı qalasyndaǵy 280 oryndyq balalar úıinde 170 adam bar, onyń da 30- y túlekter. Oǵan Qostanaıdan barǵan balalar tolyq syıady. О́tken jyly Fedorov aýdany ortalyǵyndaǵy balalar úıi jabylǵan bolatyn. Ondaǵy balalardyń barlyǵyn otbasylar qamqorlyǵyna aldy.
Endi oblys ortalyǵyndaǵy bosaǵan ǵımaratqa №2 túzetý mektep-ınternaty kóshedi, al onyń ǵımaratynda «Ozat» daryndy balalarǵa arnalǵan mekteptiń bazasynda ashylatyn IT-tehnologııa mektep-lıseı-ınternaty ornalasady.
Názıra Járimbet
«Egemen Qazaqstan»
Qostanaı