Qasıetti jerden qýat aldy

Ońtústik Qazaqstan oblysynda «Nur Otan» halyqtyq-demokratııalyq partııasy oblystyq fılıaly saıası keńesiniń keńeıtilgen otyrysy ótip, oǵan partııa Tóraǵasynyń birinshi orynbasary Nurlan Nyǵmatýlın qatysty. Saıası keńes otyrysynda par­tııanyń aldaǵy Parlament Má­ji­lisi men jergilikti máslıhattar saılaýy boıynsha is-qımyl jos­pa­ry, saılaýaldy tuǵyrnama jobasy talqylanyp, XIV sezd delegat­tary saılandy. «Shyraıly ońtústik» atanǵan elimizdiń ońtústigi, uly ǵulamalar dúnıege kelgen, talaı talanttardy qanattandyrǵan, qazaq dástúriniń qaımaǵyn saqtaǵan elimizdegi eń irgeli de qasıetti jer. Bul qazaq­tar­dyń ulttyq rýhanııatynyń asa ma­ńyzdy ortalyqtary Arystan bab­tyń, Qoja Ahmet Iаsaýıdiń keseneleri ornalasqan, búkil elimizdiń mádenı astanasy atanǵan kıeli Túrkistan. Sondyqtan otyrysta sóz alǵandar «Nur Otan» partııa­synyń jaýapty naýqan aldyndaǵy alǵashqy saparyn osy jerden bas­taǵandaryn oryndy qadam dep ba­ǵalady. Bul «Nur Otan» partııasynyń eldikti, ulttyq múddeni, bereke-bir­likti, yntymaqty bárinen jo­ǵa­ry qoıatyn shyn mánindegi halyq­tyq partııa ekendiginiń basty belgisi bolsa kerek. Sondyqtan aldaǵy saılaýda elin, jerin qurmetteıtin árbir azamattyń tańdaýy «Nur Otan» partııasy bolýy tıis. Partııa Tóraǵasynyń birinshi orynbasary Nurlan Nyǵmatýlın: «Biz Elbasymyz, partııamyzdyń Tór­aǵasy Nursultan Ábishuly Na­zarbaevtyń strategııalyq mindetterin oryndaýdyń arqasynda búkil halyq biletin, el senimin aqtaǵan, elimizdegi eń iri saıası kúshke aı­naldyq. Sondyqtan bizdiń bul jolǵy basty maqsatymyz –saılaýda partııamyzdyń ádil ári shynaıy jeńisin qamtamasyz etý. Sebebi, bizdiń saılaýaldy tuǵyrnamamyz – ol búkilhalyqtyq tuǵyrnama, bú­kilhalyqtyq baǵdarlama», – dedi. Qazirgi ýaqytta Ońtústik Qa­zaq­stan oblysy – áleýmettik-eko­no­mıkalyq kórsetkishi joǵary, jyl saıyn qarqyndy damyp kele jatqan elimizdegi iri ortalyq­tar­dyń biri. Oblysta turmysy tómen azamattar sany 30 paıyzǵa deıin tómendep, tek bıylǵy jyldyń ózinde 17,6 myń adam jumysqa ornalasyp, áleýmettik járdemaqy alatyndar sany 23 myńnan asty. Al, osy jyldyń sońyna deıin 100-den astam jańa bilim nysandary men densaýlyq saqtaý oryndary iske qosylmaq. Oblystyń osyndaı iri jetistikterge qol jetkizýine 88 myń múshesi, 303 bastaýysh uıymy bar «Nur Otan» partııasy ob­lystyq fılıalynyń qosyp otyrǵan úlesi óte zor. – Partııamyzdyń usynyp otyr­ǵan saılaýaldy tuǵyrnamasynda barlyq salaǵa qoldaý kórsetý má­selesi tolyq qarastyrylǵan. Onyń barlyǵynyń sheshimin tabatynyna senemin. Sebebi, biz – árqashan El­ba­sy, partııa Tóraǵasy Nursultan Ábishuly Nazarbaevtyń strate­gııa­lyq mindetterin júzege asyrý arqyly jyl saıyn ósip-órkendep, abyroıymyz artyp, qarqyndy da­myp kele jatqan elmiz. Son­dyq­tan, aldaǵy saılaýda oblystyq ká­sipodaq músheleriniń tek «Nur Otan» partııasy atynan túsken úmitkerlerdi qoldap, partııanyń maqsatyn júzege asyrý úshin jan aıamaı eńbek etetinine senemin, - dedi sóz alǵan oblystyq kásipodaqtar keńesiniń tóraǵasy Dosybaı Sherimqulov. Al jastar atynan oıyn ortaǵa salǵan Saryaǵash aýdandyq jastar odaǵynyń dırektory Jadyra Jú­sip partııanyń saılaýaldy tuǵyr­na­masyn bir adamdaı qoldaýǵa shaqyrdy. О́ıtkeni, bul – bilimdi de bilikti jastardy qoldaý, olarǵa oń baǵyt berý, jalyndaǵan jastardyń ómirlik qajettiligin qamtamasyz etý máselelerin kózdeıtin baǵ­darlama. Jıyn sońynda oblys atynan sezge qatysatyn delegattar saı­lanyp, alda atqarylatyn jumys josparlary bekitildi. Mańyzdy sheshimder qabyldandy. Dál osy kúni respýblıkalyq shtabtyń músheleri Otyrardaǵy Arystan bab pen Túrkistandaǵy Qoja Ahmet Iаsaýı kesenelerine baryp, ata-baba rýhyna taǵzym etti. Ońtústik Qazaqstan oblysy.