Zamana tolǵaýy

Jazýshy-jýrnalıst, fılologııa ǵylymdarynyń doktory, Qazaqstan Respýblıkasynyń eńbek sińirgen qaıratkeri, Parlament Májilisiniń birneshe shaqyrylymynyń depýtaty Ýálıhan Qalıjanovtyń esimi gazetimizdiń oqyrmandaryna etene tanys. Qoǵam jáne memleket qaı­ratkeri Ýálıhan Qalıjanov jýr­nalıstıkanyń qazanynda qaı­nap, úlken saıasatqa keldi. Depýtat bola júrip, qolynan qalamyn túsirmedi. 15-ten astam kórkem kitaptar men esselerdiń avtory. Ý.Qalıjanov Elbasy, Qa­zaq­­stan Respýblıkasynyń tuń­ǵysh Prezıdenti týraly kezinde «Pre­zıdent» atty kitap ta jaz­ǵan edi. Endi «Qus joly» baspa­synan avtordyń «El men Er» atty kórkem pýb­lısıs­tıkalyq maqalalarynan tura­tyn jańa kitaby jaryq kórdi. El táýel­sizdiginiń 20 jyl­dy­ǵyna arnal­ǵan kitapta N.­Á.Na­zarbaevtyń san qyrly saıası qyzmetine saraptama jasa­la­dy. Mysaly, «Za­mana syny» atty maqala­synda avtor álem moıyndaǵan saıası tulǵalar Ata­túrik, Qytaı reformasy­nyń atasy Den Sıaopın­niń, Sıngapýr reforma­synyń piri sanalatyn Lı Kýan Iý, Fran­sııanyń basshysy bol­ǵan Sharl de Goll, AQSh prezıdenti bol­ǵan Ronald Reıgan­nyń saıası qyzmetterin salys­tyra otyryp, avtor N­.­Á.Na­zar­baevtyń fenomeni ne degen suraqqa jaýap izdeıdi. «Elbasy fenomeni» nede degende, Na­zar­­baevtyń ultjan­dy­ly­ǵyn­da, onyń qazaqyly­ǵyn­da jatyr dep esepteıdi. «N.Á.Nazarbaevtyń jyly jú­zi, jurtty birden baýrap ala­tyn qasıeti, sózden órmek toqıtyn sheshendigi, kisiligi men talǵampazdyǵy, psıhologııalyq baıqampazdyǵy, aınalyp kelgende, eliniń, halqynyń, jalpy túr­ki áleminiń kók týynyń aına­lýyna yqpal etti», dep jazady avtor. Bul maqalada qalyń jurt bile bermeıtin detaldar kóp paıdalanylǵan. Máselen, Sıngapýr reformasynyń atasy Lı Kýan Iý men Qazaqstan basshysy N.Á.Nazarbaevtyń arasyndaǵy áńgimeni jazyp alǵan Ý.Qalıja­nov­tyń odan Qazaqstandaǵy júr­gizilgen reformalar týraly oı-tolǵaqtary oqyrmandy beı-jaı qaldyrmaıdy. Kitaptaǵy «Birinshi» dep ata­la­tyn maqalany da oqyrman qy­zyǵa oqıtyny sózsiz. Munda 22 jasar domnashy, temirtaýlyq N.Á.Nazarbaevtyń Búkilodaqtyq komsomol sezine 1964 jyly delegat bolyp álemdegi birinshi kosmonavt Iý.A.Gagarınmen sýretke túsirýdi uıymdasty­rýy­men ekeýara áńgimedegi «birinshi» bolý ońaı ma degen saýalda ór­bigen tarıhı shendestirýler júrekke erekshe jyly tıedi. «Qoǵamdyq oıdyń taıqaza­ny», «El men Er», «Islam ále­mi» jáne N.Á.Nazarbaev», «Astanada Helsınkı rýhy as­qaq­tap tur», «Altyn orda – Astana» jáne taǵy basqa maqala­larda Qazaqstannyń tuń­ǵysh Prezıdenti, Elbasy N.­Á.Nazar­baevtyń álemdik saıasattaǵy or­nyn aıǵaqtaı­tyn saıası tanym­dyq maǵlu­matqa mol derektermen erekshelenedi. Ý.Qalıjanov kitabynyń má­ıegi tarıh tańdaǵan tulǵa – N.Á.Nazarbaev! Bul qalyń oqyr­man men saıasatkerler úshin qyzyqty kórkem pýblısıs­tıka­nyń úlgisi bolarlyq kitap.