Qorytyndy jasalyp, mindetter qabyldandy

Jetigende Qorǵanys mınıstri Ádilbek Jaqsybekovtiń qaty­sýymen Qazaqstan Respýblıkasy Qarýly Kúshteri Áýe qor­ǵa­nysy kúshteri basshylyq quramynyń uıymdastyrý-ádis­temelik jıyny ótti. QR QK Áýe qorǵanysy kúshte­riniń bas qolbasshysy general-leıtenant Aleksandr So­ro­kınniń jetekshilik etýimen basshylyq quram áýe shabýy­ly­na qarsy jáne jerdegi stra­tegııalyq nysandar­dy qanatty raketalardan qorǵaý­dyń ádiste­me­lerin, sondaı-aq oǵan ázir­likti jetildirýdiń negizgi baǵyt­taryn qarastyrdy. Jıyn bary­synda basshylyq quram lek­sııa­lyq sabaqtarǵa qatysyp, ádis­temelik sharalardy júzege asyr­dy jáne ózderi esep berdi. Ushaqjaıda qorǵanys vedom­stvo­synyń basshysy jýyrda Qa­zaqstannyń ulttyq quramasy sapynda Fýıang qalasynda (QHR) ótken Azııa men Okeanııanyń XIV halyqaralyq, sondaı-aq Qytaı­dyń ashyq ınternasıonaldyq chempıonatyna qatysyp qaıtqan Qazaqstan Respýblıkasy Qarýly Kúshteri Áýe qorǵanysy kúshte­riniń parashıýtshilerdi daıyndaý ortalyǵynyń sportshylarymen kezdesti. Bizdiń sportshylar eki kýbok pen 10 altyn medalǵa qol jetkizgen bolatyn. Qorǵanys vedomstvosynyń bas­shysy áýe shabýylyna qarsy áskerler bólimderiniń áýe shabýy­lyna qarsy urystar júrgizýin, qanatty raketalarǵa tosqaýyl qoıýyn, joıýshy avıasııanyń ja­ýyngerlik qımyldaryn, sondaı-aq strategııalyq nysandardy ba­syp alatyn dıversııalyq topty transporttyq ushaqtan túsirý ádisteri men tásilderin baqylady. Ádilbek Jaqsybekov Áýe qorǵa­nysy kúshteriniń qarý-ja­raǵy men áskerı tehnıkasynyń, ásirese, avıasııalyq tehnıka­nyń, áýe shabýylyna qarsy kú­res áskerleri tehnıkasynyń, baıla­nys jáne radıotehnı­ka­lyq qam­ta­masyz etý ásker­le­riniń qysqy jaǵdaıǵa ázir­liginiń de erekshelikterin nazardan tys qaldyrǵan joq. Sharanyń so­ńynda 2011 jylǵa qorytyndy jasalyp, 2012 jylǵa mindetter qabyldandy. Oksana PARPÝRA, Qorǵanys mınıstrligi baspasóz qyzmetiniń ókili. Sýretti túsirgen Ermek SARBASOV.