Táýelsizdikke tom-tom tartý

Úsh júz jyl ańsaǵan Táýel­sizdigimizdiń 20 jyldyǵyn atap ótýge de sanaýly kúnder qaldy. Osy qasıetimizdi qasterleý isine jeke adamnan bastap, ujymdasqan ujym­dar da óz úlesterin qosýda. Sonyń bir dálelindeı, elordadaǵy Ulttyq akademııalyq kitaphanada Memleket tarıhy ınstıtýtynyń uıytqy bo­lýymen kitap kórmesi boldy. Memleket tarıhy ınstıtýty Elbasy Nursultan Nazarbaevtyń qoldaýymen osydan 3 jyl buryn shańyraq kótergen edi. Ataýly ýaqyttan beri bul mekeme 30-ǵa    taıaý eńbekti jaryqqa shyǵarypty. Al Táýelsizdiktiń 20 jyldyǵyna 24 kitapty josparlasa, sonyń al­ǵash­qy 10 tomy jaryq kóripti. Sol kitaptardyń tusaýkeser rásiminde jańa kózqaraspen eldik turǵyda jazylǵan rýhanı qundylyqtardyń arqaýy áńgime boldy. Jaryqqa shyq­qan ǵylymı dúnıelerdiń qata­rynda «Qazaq handyǵy tarıhy: qurylýy, órleýi, quldyraýy», «Noveıshaıa ıstorııa Kazahstana: krızıs ı raspad sovetskoı sıstemy, I tom», «Noveıshaıa ıstorııa Kazahstana: vyhod ız krızısa, II tom», «Noveıshaıa ıstorııa Kazahstana: ýstoıchı­vyı Kazahstan, III tom», «Nezavısı­myı Kazahstan ı Lıder nasıı», «Táýelsiz Qazaqstan mádenıeti: jylnama qujattary», «Táýelsiz Qa­zaqstan tarıhyn zertteýdiń ózek­ti máseleleri. Oqıǵalar hronı­kasy», taǵy basqa eńbekter bar. Bul kitaptarda Qazaq memleketiniń qa­lyptasýy men damýynyń kezeńderi, qazirgi qoǵamdyq-saıası, áleýmettik-ekonomıkalyq úrdister baıandalǵan. Tusaýkeser rásiminde Memleket tarıhy ınstıtýtynyń dırektory B.Aıaǵan, saıasatker K.Burhanov, ta­rıhshy A.Qashqynbaev sóılep, tá­ýelsiz elimizdiń tarıhyna qosylǵan tyń týyndylar týraly óz baılam-paıym daryn aıtty. Súleımen MÁMET.