Sırııadaǵy qandy qaqtyǵys tyıylar emes. El prezıdenti Bashar Asad qandaı jaǵdaıda da bılikten aıyrylmaıtyn syńaıly. Oǵan tipti Arab memleketteri lıgasynyń ekonomıkalyq sanksııa qabyldaý týraly sheshimi de tıisti deńgeıde áser ete qoıǵan joq.
Sırııa basshylyǵynyń is-áreketine qatysty Túrkııa úkimetiniń basshysy Taıyp Redjep Erdoǵan da qatty-qatty sózder aıtty. Qandaı memleket basshysy da óz halqyna qarsy oq atsa, aıaǵy jaqsylyqqa aparmaıtynynan naqty-naqty mysaldar keltire sóıledi. Olaı aıtatyn da jóni bar. Sırııada el basshylyǵyna qarsy aksııalar bastalǵaly beri 3500-deı adam kóz jumyp úlgerdi.
BURYNǴY MAGATE BASShYSY USYNYLDY
Egıpettiń joǵary áskerı keńesi MAGATE-niń burynǵy dırektory Mohamed ál-Baradeıge el premer-mınıstri oryntaǵyna otyrýdy usynǵan. Mundaı usynys keńestiń keshegi ótken jáne Mysyrdyń saıası partııalary ókilderi shaqyrylǵan shuǵyl májilisinde jasalǵan.
Ásker basshylyǵyndaǵy derek kóziniń aıtýynsha, Baradeı ázirshe usynysqa naqty jaýap qaıtarmaǵan. О́ıtkeni, ol premer bolǵan jaǵdaıda óz is-áreketiniń qanshalyqty táýelsiz bolatynyna jetkilikti deńgeıde kepildik almasa kerek. Jalpy, Hýseın Tantaýı basynda turǵan Mysyrdyń joǵary áskerı keńesi halyq qysymyna shydas bere almaǵan sekildi. Sońǵy kúnderi jappaı narazylyq saldarynan Kaır men Aleksandrııa qalalarynda 30-dan astam adam qaza tapqan edi.
BEIBITShILIKKE QARSY QYLMYSKERLER KIM?
Malaızııanyń jalǵan trıbýnaly AQSh-tyń eks- prezıdenti kishi Djordj Býsh pen Ulybrıtanııanyń burynǵy premer-mınıstri Tonı Blerdi beıbitshilikke qarsy qylmyskerler dep tanıtynyn jarııalady. Atalǵan ekeýge birinshi kezekte mundaı aıyp Iraktaǵy soǵysqa baılanysty taǵylyp otyr.
Sot májilisi tórt kúnge sozylsa, aıyptalǵandar da jazaǵa syrttaı kesilgen. Uzaq ýaqytqa sozylǵan pikirtalastan keıin trıbýnaldyń 7 múshesi aıyptylardy biraýyzdan kináli dep taýyp, Býsh pen Blerdiń Irakqa basa-kóktep kirýin zańsyz jáne búkil álemge qaterli dep ataǵan. Atap kórseterligi – sot sheshimi sımvolıkalyq sıpatqa ıe. О́ıtkeni, Kýala-Lýmpýr trıbýnalynyń eshqandaı zańdy mártebesi joq.
RESEIGE AQPARAT BERÝDI TOQTATADY
AQSh budan bylaı qaraı Reseıge Eýropadaǵy kádimgi qarý-jaraq týraly aqparat berýdi toqtatatyn boldy. Bul týraly AQSh Memlekettik departamentiniń resmı ókili Vıktorııa Nýland habarlady. Nýlandtyń sózine qaraǵanda, Eýropadaǵy kádimgi qarýly kúshterdi reanımasııalaý týraly shartty qabyldaýǵa jasalǵan áreketter nátıje bermegen soń osyndaı sheshim alynǵan.
Endi mundaı sheshimdi AQSh-tyń NATO-daǵy basqa da odaqtastary qabyldaýy yqtımal. Buǵan deıin Qurama Shtattar Reseıge óziniń Eýropadaǵy qarý-jaraqtary týraly málimetterdi esh kidirissiz berip kelgen edi. Máskeý joǵarydaǵy shartty oryndaýǵa moratorıı jarııalaǵannan keıin AQSh pen onyń odaqtastary da Eýropadaǵy kádimgi qarý-jaraq týraly aqparatty berýdi toqtatýdy jón kórgen.
BERLÝSKONI TARPA BAS SALYNYP JATYR
Italııanyń burynǵy premer-mınıstri Sılvıo Berlýskonı óziniń tórtinshi mýzykalyq albomyn shyǵarǵan. «Naǵyz mahabbat» dep atalatyn kúıtabaqqa 11 án engizilse, solardyń sóziniń bárin S.Berlýskonı jazypty jáne jańa albomda ózi án aıtpaıdy eken.
S.Berlýskonıdiń otstavkaǵa ústimizdegi jyldyń 13 qarashasynda ketkeni belgili. Búgingi mıllıoner jas kezinde krýız jasaıtyn laınerde mýzykant bolyp qosymsha aqsha taýypty. Al ol bılikten ketken soń tıispeý týraly ımmýnıteti kúshin joıǵany belgili. Sondyqtan búginde onyń jasaǵan-jasamaǵan qylmystaryna baılanysty aıyptaýlar jan-jaqtan kúsh ala túsip otyr. Keshe ol aıyptaýlardyń biri boıynsha shaqyrylyp, túsinik berýge májbúr boldy.
TUTQYNDALǴAN UShQYShTAR BOSATYLDY
Tájikstan soty buǵan deıin Reseımen aradaǵy aıtarlyqtaı kıkiljińge sebep bolǵan, kináli dep tabylyp, 8,5 jylǵa sottaǵan reseılik Vladımır Sadovnıchıı men Estonııa azamaty Alekseı Rýdenkony bosatý týraly sheshim qabyldady. Rolkan Investments Ltd avıakompanııasynyń ushqyshtary sot zalynan birden bostandyqqa shyǵaryldy.
Erkindik alǵannan keıin V.Sadovnıchıı ózderine jan-jaqty qoldaý kórsetkeni úshin Reseı bıligine rızashylyǵyn jetkizdi. Eki ushqysh ústimizdegi jyldyń naýryz aıynyń sońynda tutqyndalǵan edi. Onyń sebebi gazetimizde jan-jaqty jazylǵandyqtan, oǵan toqtalmaǵandy jón kórdik. Al ushqyshtardyń bosatylýyna baılanysty bolsa kerek, Reseı jaǵy da ózderinde júrgen tájikstandyq mıgranttardy qýdalaýdy toqtatty.
QYSQA QAIYRYP AITQANDA:
Reseı prezıdenti Dmıtrıı Medvedev eks-premer Vıktor Chernomyrdınniń esimin máńgi este qaldyrý úshin jasalyp jatqan korablderdiń birine onyń esimin berýdi usyndy.
Taıland turǵyny Ampon Tangnoppakýn el koroli Pýmıpon Adýlıadettiń ar-namysyna tıetin SMS taratqany úshin 20 jylǵa bas bostandyǵynan aıyryldy.
Reseıdiń Nıjnıı Novgorod oblystyq saılaý komıssııasy Reseı kommýnıstik partııasyna «Edınaıa Rossııa» serkesi Vladımır Pýtınge qatysty komıkster salynǵan karıkatýralardy taratýǵa tyıym saldy.
AQSh-tyń Oregon shtatynyń gýbernatory Djon Kıshaber óziniń gýbernatorlyq merzimi aıaqtalatyn 2015 jylǵa deıin ólim jazasynyń barlyq túrine moratorıı jarııalady.
Reseıde mıgranttardyń orys tilin biletindigi týraly sertıfıkat alý úshin ótkiziletin testileýdiń quny shamamen 2,5 myń rýbl kóleminde belgilendi.
AQSh-tyń Indıana shtatynyń turǵyny Devıd Bostık balalar pornografııasyn daıyndap, taratqany úshin 315 jylǵa sottaldy. Úkim shyǵarylǵan azamat qazir 25 jasta eken.
Internet materıaldary negizinde ázirlendi.