Gazet kólemin berýdiń jalpy sharttary
Qazaqstan Respýblıkasynyń Parlamenti Májilisine depýtattyqqa úmitkerlerdiń partııalyq tizimin usynǵan jáne tirkegen saıası partııalarǵa (budan ári – saıası partııalar), redaksııa maqalalar jáne úlgiler túrindegi saılaýaldy úgit materıaldaryn (budan ári – úgit materıaldaryn) ornalastyrý úshin gazetten oryn beredi. Úgit materıaldarynyń mátinderin saıası partııalardyń ózderi ázirleıdi. Úgit materıalyn jarııalaýy úshin saıası partııalardyń ókiletti ókilderine mynalar qajet: 1. Redaksııaǵa tómendegideı aqparatty qamtıtyn jazbasha ótinishti usynady: 1) Jazbasha málimdemeniń kúni men ýaqyty; 2) Jazbasha málimdeme jasaǵan ókiletti ókildiń aty-jóni; 3) Gazet betinen alatyn josparlanǵan kólemi; 2. Jazbasha ótinishke mynadaı qujattar qosa tirkelýi tıis: 1) Partııanyń tirkelgenin rastaıtyn qujattyń kóshirmesi; 2) Partııalyq tizimdi usynǵandyǵyn rastaıtyn qujattyń kóshirmesi; 3) Saıası partııanyń ókiletti ókiliniń ókilettiligin rastaıtyn qujatynyń kóshirmesi; 4) Úgit materıaly mátininiń mánin qaǵaz jáne elektrondyq tasymaldaǵyshta ashý; 5) ótinish berýshiniń, saıası partııanyń ókiletti ókiliniń jeke basyn kýálandyratyn qujat kóshirmesi; 3. Redaksııamen shart jasasý.Úgit materıaldaryn jarııalaýdyń tártibi
2011 jyldyń 26 qarashasynan bastap saǵat 10.00-den 17.00-ge deıin, kún saıyn, senbi jáne jeksenbiden basqa kúnderi jazbasha málimdemeler qabyldanady jáne shart jasalady, úzilis saǵat 13.00-den 14.30-ǵa deıin. Jazbasha málimdemelerdi qabyldaýdyń sońǵy kúni – 2012 jyldyń 12 qańtary. Úgit materıaldaryn jarııalaýdyń sońǵy kúni – 2012 jyldyń 14 qańtary. Redaksııa saıası partııalardan mátinderdiń jáne úlgilerdiń túsý retine qaraı úgit materıaldaryn jarııalaýdyń kezektiligin belgileıdi. Saıası partııalar úgit materıaldaryn odan ári jarııalaýdy Redaksııamen ýaǵdalastyq boıynsha júzege asyrady. Birneshe saıası partııalardan/ókiletti ókilderden bir mezgilde málimdemeler túsken jaǵdaıda Redaksııa sol kúni jerebe tastaýdy júrgizedi. Jerebe tastaýǵa baspa materıaldaryn ornalastyrýdyń kezektiligine talas bildirýshi saıası partııalar nemese saıası partııanyń múddesine ókildik etetin ókiletti ókil jáne talas bildirýdiń táýelsiz taraby retinde Redaksııa ókili qatysady. Redaksııa úgit materıaldaryn jarııalaýdy Redaksııanyń esep-aıyrysý shotyna jarııalanymdar qunynyń 100 paıyzdyq aldyn ala tólemi túskennen keıin júrgizetin bolady. Redaksııa «Egemen Qazaqstan» gazetiniń betterinde úgit materıaldaryn ornalastyrý ornyn derbes aıqyndaıdy.Úgit materıaldaryn tapsyrýdyń tártibi
Saıası partııalar/ókiletti ókilder úgit materıaldarynyń mátinderin jáne úlgilerin josparlanǵan jarııalanym kúninen eki kún buryn Redaksııanyń jarnama bólimine tapsyrady. Mátinder saıası partııanyń ýákiletti ókiliniń qoly qoıylǵan baspa nusqasynda tapsyrylýy jáne elektrondyq tasymaldaǵyshta qaıtalanýy qajet. Mátinderdiń baspa nusqalary berilgen kúni jáne ýaqyty kórsetilip, tirkeý nómirimen eki danada tapsyrylady. Sondaı-aq, úgit materıalynda beıneleri paıdalanylǵan tulǵalardyń jazbasha ruqsaty qosymsha beriledi (qaıtys bolǵan jaǵdaıda – olardyń muragerleriniń jazbasha ruqsaty). Redaksııanyń jarnama bóliminiń qyzmetkerleri baspa nusqasyn qabyldaý kezinde qabyldaǵany týraly belgi qoıady, qabyldanǵan kúnin, ýaqytyn kórsetedi jáne mátinniń eki danasynda da laýazymyn jáne tegin, atyn, ákesiniń atyn kórsetip, óziniń qolyn qoıady. Mátinniń bir danasy jarnama bóliminde qaldyrylady da, ekinshi danasy ony tapsyrǵan tulǵaǵa qaıtarylady. «Egemen Qazaqstan» gazetinde úgit materıaldary jarııalanǵan kezde «Saılaý-2012» aıdarymen ornalastyrylatyn bolady. Eger konstıtýsııalyq qurylysty kúshtep ózgertý ıdeıalary jarııa etilse, respýblıkanyń tutastyǵyn buzýdy, memlekettiń qaýipsizdigine nuqsan keltirýdi, áleýmettik, násildik, ulttyq, dinı, tektik-toptyq jáne rýlyq arazdyqty qozdyrýdy, qatygezdik pen zorlyq-zombylyqqa bas urýdy, sondaı-aq zańnamalarda qarastyrylmaǵan áskerılendirilgen qurylymdardy qurý jáne «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń talaptarynda qarastyrylǵan ózge de negizderde, gazet úgit baspa materıaldaryn qabyldaýdan bas tartýǵa quqyly. Redaksııa basqa tulǵalardyń ar-namysyna, abyroıyna jáne iskerlik bedeline nuqsan keltiretin aqparattary bar úgit materıaldaryn jarııalaýdan bas tartady.Úgit materıaldaryn jarııalaý aqysyn tóleý tártibi
Saıası partııalar/ókiletti ókilder úgit materıalynyń jarııalanym qunynyń 100 paıyzyn materıaldy jarııalaý kúnine deıin eki kúnnen keshiktirmeı tómendegideı baǵa boıynsha tóleıdi: - maqala - gazet kóleminiń 1 sharshy santımetri úshin 1 950 (bir myń toǵyz júz elý) teńge; - modýl - gazet kóleminiń 1 sharshy santımetri úshin 1 300 (bir myń úsh júz) teńge; - túrli-tústi modýl – gazet kóleminiń 1 sharshy santımetri úshin 3 250 (úsh myń eki júz elý) teńge; Qyzmet qunyna 12% QQS qosylǵan. Tólemaqy Redaksııa usynǵan esepshot negizinde júrgiziledi. Tólemaqy shartqa sáıkes kórsetilgen derektemeler boıynsha Redaksııanyń esep aıyrysý shotyna tólenedi. Qazaqstan Respýblıkasynyń Úkimeti nemese Qazaqstan Respýblıkasy Ortalyq saılaý komıssııasy úgit materıaldaryn jarııalaý sharttary boıynsha normatıvtik quqyqtyq aktilerin qabyldaǵan jaǵdaıda, sáıkes aktilerdiń normalary qoldanysta bolady. Jarnama bólimi: e-mail: egemen_adv@mail.ru Astana qalasyndaǵy telefon: 8 (7172) 37-60-49, 37-65-27, faks 8 (7172) 37-64-48, 37-19-87.