«Belesten» beleske

«Egemen Qazaqstannyń» arnaıy jobasy: Jasampazdyq jemisteri Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi.  «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Batys Qazaqstan oblysynyń Zelenov aýdanyndaǵy Beles aýylynan fotoreportaj berilip otyr.

«BELESTEN» BELESKE

Zelenov aýdanyndaǵy Beles aýyly – keń baı­­­taq Qazaqstannyń bir núktesi. Jalpydan jal­­qyǵa kósher bolsaq táýelsizdik jyldarynda júrgizilgen reformalardyń barlyq nátıjeleri men jemisterin osy aýyldan kóre alamyz. Bir ǵana mysal. Egemendiktiń eleń-alań kezinde, tipti eki myńynshy jyldyń orta shenine deıin aýyldaǵy turmysy tómen otbasylarǵa memleket tarapynan ataýly áleýmettik kómekter berilip keldi. Beleste osyndaı kómekti 56 adam alǵan eken. 422 tútini bar aýyl úshin muny az deýge bolmaıdy. Búginde ony munda bir de bir adam, bir de bir otbasy almaıdy. Almaıdy deımiz-aý, tutastaı elimiz boıyna ataýly áleýmettik kómek degen tirkes pen túsinik tildik qorymyzdan túsip qalǵaly qashan. Bul – óz kezeginde aýyl turǵyndarynyń áleý­mettik-turmystyq deńgeıiniń ósýi, qyz­met­­­­pen ıakı jumys ornymen tolyqtaı qamty­lýy degen sóz. Taldaýlar men derekter beles­tik­terdiń aılyq ortasha tabysy 50 myń teńgeden kem emes ekenin kórsetedi. Búginde Beles aýy­lynan attanǵan astyq jáne munaı ónimderi belesten-beles asyp Eýropa men Azııa memleketterine jetip otyr. Mundaǵy Murat Já­kibaev jetekshilik jasaıtyn dıirmen kesheni táýligine 150 tonna un óndiredi. Onyń sapasy óte jo­ǵary. Osylaısha básekege qabiletti ónimdi TMD-nyń birqatar memleketteri attaı qalap satyp alýda. Sondaı-aq Beles aýylyndaǵy termınal ar­qy­­ly munaı taǵy da bel asyp, Eýropaǵa tum­syq tireıdi. Qysqasy, Qazaqstandaǵy bir ǵana aý­yl­dyń ónimderi TMD-ny kókteı ótip, alys shet elderdiń de suranystaryn týǵyzyp otyr. Ma­­syl­dyq pıǵyldan boılaryn tez tikteı bilgen belestikter erteńine úlken senimmen qaraıdy. Beles aýylynyń ákimi Adam Imashevtiń aıtý­yn­sha, munda keńestik kezeńde tek tórt otba­sy­nyń jeke avtokóligi bolsa, qazir ár otba­sy­na bir avtokólikten keledi. Bul da barshylyq­tyń arqasy, eldik pen egemendiktiń kórinisi bolmaq. KSRO kezinde qala men aýyldyń arasyn ja­qyn­datý degen másele kóp aıtyla tursa da, esh­qandaı nátıje bolǵan joq. Bul – aýylda da qa­la­daǵydaı turmystyq jaǵdaıdyń týǵyzy­lýy degen sóz. Beles – osyndaı deńgeıge jetken aýyl. Mundaǵy ár aýla kógildir otyn men aýyz sý qubyryna qosylǵan. Aýyl klýby men dári­ger­lik ambýlatorııa ǵımaraty syńǵyrlap tur. Kirse shyqqysyz. Elý oryndyq balabaqsha sábıler­diń shattyq kúlkisine toly. Belestik kásip­ker­ler birinshi kezekte óz qaltalaryn qampıtý emes, aýyldastary úshin paıdaly bir is tyn­dy­rýdy maqsat etip qoıǵany qandaı ǵanıbet. Kóp­shilik monsha qurylysy men aýyldy abat­tan­dyrý jónindegi ister jergilikti kásipk­er­ler qarajattary esebinen atqarylǵan. Beleste egemendik talaptaryna saı tyn­dy­rylǵan ister de mol. Eń aldymen, buǵan deıin Rostoshı atalyp kelgen aýyl Beles degen halqymyzdyń tanys-túsinigine tán tamasha ataýǵa ıe bolǵan. Totalıtarlyq júıeniń ıisi ańqıtyn kóshe ataýlary táýelsizdik rýhyna saı ataýlarmen aýystyrylǵan. Atap aıtqanda, Che­­hov Abaıǵa, Oktıabr Táýelsizdikke oryn bergen. Mine, Beles aýylynyń búgingi jańǵyrǵan bet-beınesi osyndaı. Batys Qazaqstan oblysy. Daıyndaǵan «Egemen Qazaqstan» gazetiniń Batys Qazaqstan oblysyndaǵy menshikti tilshisi Temir QUSAIYN. Sýretterdi túsirgen Rafhat HALELOV.