О́skemende jas­tar arasynda konkı tebýden saıys ótti

Sol jarysta ózinen ja­sy ál­deqaıda úlken stýdent­termen bir­ge oıynǵa qaty­syp, tipti keı sát­­terde olardyń aldyn orap ket­ken qa­zaqtyń qarshadaı bala­sy na­zarymyzdy eriksiz aýdar­dy. Sóıleseıik dep qa­syna barǵa­ny­myzda sol jaq kóziniń asty kógerip ket­kenin ańǵardyq. Biraq ony eleń qylǵan ol joq. Bar oıy – muzaıdynda. Qatar­las­ta­rymen hokkeı oınaǵysy kep ker­medegi tul­pardaı typyrshıdy. Asyǵyp turǵanyn sez­sek te bir-eki suraq qoıyp, áń­gi­mege tarttyq.

– Aty-jóniń kim? Qaıda oqısyń?

– Eldos Kádenov. №20 mektepte, 3-synypta oqımyn.

– Hokkeıge qatysqanyńa qansha jyl boldy?

– Eki jyl ǵoı deımin.

– Qaıda oınaısyń?

– «Torpedo» komandasynda.

– Onda óziń sekildi qazaq balalary bar ma?

– Bar. Biraq azdaý.

– Kimge elikteısiń? Tal­ǵat Jaı­laýovty tanı­syń ba?

– Árıne, bilemin. Sol kisi sekildi hokkeıshi bol­ǵym keledi.

– Bolashaqta qandaı komandada oınaǵyń keledi? «Barysta» oınaǵyń kelmeı me?

– Keledi.

– Kanadada, Amerıkada oı­naǵyń kelmeı me? (Bul su­raq­ty ádeıi qoıdyq. Ne aıtaty­nyn teksereıik dep – A.Q).

– Joq. Qazaqstanda oınaımyn.           

– Kózińe ne bolǵan? Bi­reý soqqan ba?

– Joq. Hokkeı oınap júr­gende taıaq tıip ketti.

Osylaı dedi de kelesi sura­ǵy­myzdy qoıǵyzyp úlgert­peı muz­­aı­dynǵa qoı­dy da ketti. Qalǵan suraqty muzaıdyn shetinde ulynyń oıynyna qarap turǵan Nur­jan Kádenovke qoıýǵa týra keldi. Biraq ol kisi kóp sóı­lemeıdi eken. «Áýeli ulyma bir jyl boıy konkı tebýdi úırettim. Hokkeıge 6 jasynan beri qatysyp keledi. 2008 jyly týǵan balalar­men birge «Torpedo» koman­da­synda 4 bestiktiń 2-shi bes­tiginde shabýylda oınaıdy. Qazaqstan chempıonat­taryna qatysyp júr», dep qysqa qaıyrdy.

Azamat QASYM, «Egemen Qazaqstan»

О́SKEMEN