Ortalyq kommýnıkasııalar qyzmetinde ótken baspasóz maslıhatynda, «Atameken» Ulttyq kásipkerler palatasy Qazaqstan Respýblıkasy Prezıdentiniń «Altyn sapa» syılyǵyn ıelenýge arnalǵan baıqaý men «Qazaqstannyń úzdik taýary» respýblıkalyq kórme baıqaýyna ótinim qabyldaý bastalǵanyn habarlady.
Shara jumysyna «Atameken» UKP Tóralqa Tóraǵasy Hatshylyǵynyń jetekshisi, Isker áıelder keńesiniń tóraıymy Lazzat Ramazanova, «Atameken» QR UKP Shaǵyn jáne orta bıznesti damytý departamenti dırektorynyń orynbasary Saltanat Ábdikárimova, QR Prezıdenti «Altyn sapa» syılyǵy «Azyq-túlik taýarlary jáne/nemese aýyl sharýashylyǵy ónimin shyǵaratyn úzdik kásiporyn» atalymynyń 2017 jylǵy laýreaty Qyzylorda oblysyndaǵy «Abzal ı Kompanııa» TS dırektory Maǵjan Eralıev jáne QR Prezıdenti «Altyn sapa» syılyǵy «Qyzmet kórsetetin úzdik kásiporyn» atalymynyń 2017 jylǵy laýreaty Qaraǵandy oblysyndaǵy «Defektoskopııa» ǴО́B» JShS damytý jónindegi dırektory Qaırat Shamshıev qatysty.
«Atameken» QR Ulttyq kásipkerler palatasy - 2015 jyldan beri sapa salasyndaǵy baıqaýlardyń uıymdastyrýshysy. Baıqaýdyń basty maqsaty – otandyq óndirýshini qoldaý, otandyq taýar men qyzmet sapasynyń joǵarylaýyna, sondaı-aq otandyq óndirýshilerdiń básekelik qabileti men sapa ıdeıasy tanymaldyǵynyń artýyna yqpal etý. Baıqaýdy uıymdastyrý men ótkizý prosedýrasyn jetildirý maqsatynda 2017 jyldyń 24 qarashasynda Jarǵyǵa ózgertýler engizildi», dedi «Atameken» UKP Tóralqa Tóraǵasy Hatshylyǵynyń jetekshisi Lazzat Ramazanova.
Sonymen qatar, «Atameken» UKP Shaǵyn jáne orta bıznesti damytý departamenti dırektorynyń orynbasary Saltanat Ábdikárimova bıylǵy 2018 jyldyń baıqaýy sońǵy ózgertýlerge saı ótetinin málimdedi.
«Altyn sapa» syılyǵy shaǵyn, orta jáne iri kásipkerlik sýbektilerine tórt atalym boıynsha tabystalady. Olar «О́ndiristik maqsattaǵy úzdik kásiporyn», «Halyqqar arnalǵan taýar shyǵaratyn úzdik kásiporyn», «Qyzmet kórsetetin úzdik kásiporyn» jáne «Azyq-túlik taýarlary jáne/nemese aýyl sharýashylyǵy ónimin shyǵaratyn úzdik kásiporyn». Komıssııanyń quramy da ózgerdi, aýyl sharýashylyǵy ónimi men qaıta óńdeıtin taǵam ónerkásibi zańdy tulǵalar birlestikteriniń bir-birden engizildi jáne baıqaýǵa qatysý úshin kásiporyndardy yntalandyrý maqsatynda – «Altyn sapa» syılyǵynyń ár laýreatyna 1 mln teńge kóleminde aqshalaı syıaqy beriledi. Bul syıaqy halyqaralyq baıqaýǵa qatysýǵa yntalandyrady», dep atap ótti Saltanat Ábdikárimova.
Raýan QAIDAR, «Egemen Qazaqstan»