Jyldaǵydaı Almaty qalasynyń ákimi Baýyrjan Baıbek te qalyń elge esebin berdi. Jıynǵa Elordadan QR Aqparat jáne kommýnıkasııalar mınıstri Dáýren Abaev, QR Parlamenti senatynyń depýtaty Dınar Núketaeva kelip, etnomádenı birlestikterdiń, «Atameken» palatasynyń, ÚEU, BAQ ókilderi qatysyp otyrdy.
Baýyrjan Baıbektiń aıtýynsha, bıyl jańa avtobýs alǵan tasymaldaýshylarǵa 15 mlrd teńge kóleminde demeý qarjy bólmek. Bul qarjyǵa 255 myń adamnyń jeńildikpen júrýi qamtamasyz etiledi.
«Qazir Almatyda avtobýs parki 30 paıyzǵa jańarǵan. Biraq keıbir tasymaldaýshylar 80 teńgeni az kórip, 150 teńgege kóterý kerek dep jatyr. Olar jolaqysyn kótermekshi, biraq tasymaldaý sapasyn arttyrýǵa nıetti emes. Ondaı tasymaldaýshylarmen jeke jumys jasaımyz. Sapany kótermeıinshe, jolaqysy qymbattamaıdy», – dedi Baýyrjan Baıbek.
Qala ákimi «shyǵynǵa batyp jatyrmyz» degen tasymaldaýshylar kerisinshe aqshany kúrep taýyp keldi deı kele: «Sonda sizderdiń qyzmetkerlerińiz 5 jyl boıy shyǵynǵa jumys jasap kelgen be? Aqylǵa syımaıdy. Naryqtyń kólemi 20 mlrd teńge ekenin bildik. Endi kez kelgen tasymaldaýshy nesıe ala alady. Jol júrý aqysy qazir Almatyda metro úshin 71,3 teńge, al avtobýstarda 80 teńge. Qalǵan aıyrmany 4 mlrd teńge kóleminde demeýqarjy jabady», – dedi.
Aınash ESALI,
«Egemen Qazaqstan»