Álemge áıgili «Microsoft» kompanııasy ál-Farabı atyndaǵy QazUÝ-dyń aldyńǵy qatarly ozyq IT-tehnologııalardy engizip, sandyq ýnıversıtetti sátti qurǵany jaıly beınerolık túsirip, ózderiniń saıttaryna jarııalady.
Beınematerıalda barlyq tıimdi bıznes prosesterdi avtomattandyrý men ınnovasııalyq IT-servısterdi qoldanýdyń jarqyn úlgisi kórsetilgen jáne bultty qyzmettiń eń basty baǵyttarynyń biri «Microsoft Power BI» bıznes-saraptamasy jaıynda aıtylǵan.
«Microsoft» QazUÝ-dyń strategııalyq áriptesi bola otyryp, ózge álemdik JOO arasynda ýnıversıtettiń IT tehnologııalar men bultty servıs jumysyn tıimdi qoldanǵanyn joǵary baǵalady. Kompanııa sarapshylarynyń pikirinshe, engizilgen saraptamalyq júıe ýnıversıtettiń qyzmetin jańa sapaly sandyq deńgeıge kótergen.
Aıta ketý kerek, ótken jyly Redmond shtab-páterindegi (AQSh) «Microsoft Campus Connections» sammıtinde QazUÝ TMD elderiniń JOO-lary arasynan «E-campus» jobasyn usynǵan jalǵyz oqý orny bolyp, kompanııa ókilderi men sheteldik joǵary oqý oryndarynyń qyzyǵýshylyǵyn týdyrdy. Al bıyl sáýir aıynda QazUÝ Londonda (Ulybrıtanııa) ótetin sammıtte IT- salasyndaǵy óz tájirıbesimen bólisetin bolady.
Beınematerıaldy myna silteme boıynsha kórýge bolady:
https://customers.microsoft.com/en-us/story/al-farabi-kazakh-national-university-powerbi-office365-russian-kazakhstan).
QazUÝ-dyń baspasóz qyzmeti