Eki aýdan ákimi aýysty

«Esil» aýdanynyń ákimi bolyp 2008 jyldyń sáýir aıynan beri «Saryarqa» aýdanyn basqaryp kelgen Sábıla Mustafına taǵaıyndaldy. Ol 2008 jylǵy tamyzdan beri osy qyzmetti atqarǵan Qaırat Jańabergenovti aýystyrdy. Q.Jańabergenov basqa qyzmetke aýysýyna baılanysty qyzmetinen bosatyldy. «Saryarqa» aýdanynyń ákimi bolyp 2011 jylǵy qyrkúıekten beri  Astana qalasynyń máslıhat hatshysy bolǵan Ermek Ospanov taǵaıyndaldy. Bul sheshim Astana qalasy áki­miniń usynysy boıynsha Qa­zaq­stan Respýblıkasy Konstıtýsııa­sy­nyń 87-baby jáne Qazaqstan Respýblıkasy Prezıdentiniń «Ob­lystyq, aýdandyq mańyzdaǵy qalalar, respýblıkalyq mańyzy bar qala men astanadaǵy aýdandar, aýyldar, aýyl okrýgteriniń ákimderin taǵaıyndaý, qyzme­ti­nen bosatý tártibi týraly» Jar­lyǵyna sáıkes 2011 jylǵy 29 qarashada, seısenbi kúni elor­da­lyq máslıhattyń kezekten tys 74 sessııasynda  qabyldandy. S.Mustafınanyń Qazaqstan­nyń komsomol uıymdarynda, Qa­zaqstan Respýblıkasynyń orta­lyq memlekettik organdarynda, Astana qalasynyń jergilikti at­qarý organdarynda basshylyq laýa­zymdarda qyzmet etken úl­ken tájirıbesi bar, dep atap ótti elorda ákimi Imanǵalı Tasmaǵam­betov. Onyń aıtýynsha, E.Ospa­nov­tyń komsomol uıymdarynda, Al­maty men Astana qalalarynyń jergilikti atqarý organdarynda jınaqtaǵan tájirıbesi mol. Qala ákimi sondaı-aq aýdan ákiminiń jumysy óte jaýapty is, dep atap ótti. Men qaıtadan taǵaıyn­dalǵan áriptesterime sáttilik tilegim keledi. Olar buǵan deıin jınaǵan tá­jirıbelerin jańa mindetterdi sheshý jolynda qoldanýlary qajet. «Egemen-aqparat».