Memleket basshysy Nursultan Nazarbaev shahmattan álem chempıonatynda altyn medal jeńip alǵan jas qazaqstandyq shahmatshy Jansaıa Ábdimálikke quttyqtaý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
«Brazılııadaǵy álemdik shahmat týrnırindegi jarqyn jeńisińmen quttyqtaımyn! Sen joǵary deńgeıde oıyn órnegin kórsetip, altyn medal jeńip aldyń jáne tórt márte álem chempıony atandyń. Bul – talantyńnyń, eńbegiń men jeńiske degen erik-jigerińniń nátıjesi. Seniń orasan tabysyń Qazaqstan Táýelsizdiginiń 20 jyldyǵyna erekshe syılyq boldy. Bul jetistigiń jas qazaqstandyqtar úshin úlken úlgi-ónege bolatynyna senemin», delingen quttyqtaý jedelhatynda.
Memleket basshysy jas chempıonǵa tabys, sáttilik jáne jańa jeńister tilegen.