Shyǵys Qazaqstan oblysynyń ákimi Berdibek Saparbaev buǵan deıin óziniń orynbasary bolǵan Túsiphan Túsipbekovti «Nur Otan» partııasy fılıaly apparaty jıynynda oblystyq fılıal tóraǵasynyń birinshi orynbasary qyzmetine taǵaıyndady.
– Birazdan beri «Nur Otan» HDP oblystyq fılıaly tóraǵasynyń birinshi orynbasary laýazymy bos turǵan. Biz Prezıdent Ákimshiligi, partııanyń Ortalyq apparaty kelisimimen osy orynǵa memlekettik qyzmette shyńdalǵan, tájirıbeli de bilikti basshy, buǵan deıin birneshe oblystyq basqarmalardy, aýdandy basqarǵan, eki jyldaı meniń orynbasarym bolyp jemisti jumys jasaǵan T. Túsipbekovti osy jaýapty qyzmetke qoıýdy uıǵardyq, – dedi óńir basshysy.
Partııanyń bedeli joǵary bolýy tıis. Jaqynda elimiz Táýelsizdiktiń 20 jyldyǵyn atap ótpek. Arǵy jaǵynda Parlament saılaýy tur. El men jerdiń abyroıyn arttyrý úshin aıanbaı eńbek etý qajet. «Elbasynyń partııasy árqashan halyqpen birge bolýy úshin jumys jasaı beremiz», – dedi T. Túsipbekov senim artqany úshin aımaq basshysyna alǵysyn bildire kelip.
Ońdasyn ELÝBAI,
О́skemen.