Vashıngton 16 cáýirde Sırııadaǵy jaǵdaıǵa baılanysty «Asad qoldaýshylary» - Reseı men Iranǵa qarsy jańa sanksııalardy jarııalaıdy.
BUU janyndaǵy AQSh-tyń turaqty ókili Nıkkı Heılı CBS News basylymyna bergen suhbatynda Qarjy mınıstri Stıven Mnýchın dúısenbide sanksııalardy jarııalaıtynyn aıtty. Onyń aıtýynsha bul sanksııalar Asadqa qatysy bar jáne hımııalyq qarý paıdalanǵan barlyq kompanııaǵa qoldanylady.
Sondaı-aq, BUU janyndaǵy AQSh-tyń turaqty ókili barlyq dıplomatııalyq sharanyń qaralyp bitýine baılanysty AQSh-tyń Sırııaǵa qatysty soqqy jasaý týraly sheshim qabyldaǵanyn jetkizdi.
– Asad hımııalyq qarýdy birneshe ret qoldandy. Biz osyǵan deıin hımııalyq qarýdy qoldaný boıynsha alty rezolıýsııa usyndyq. Sondyqtan endigi kezekte biz qolymyzda bar dıplomatııalyq sharalardyń barlyǵyn qoldanyp, osylaı áreket etýdi jón kórdik, – dedi Nıkkı Heılı.