О́ńdeý ónerkásibinde ósim bar

Aldyn ala derekke súıensek, qańtar–naýryz aılarynyń qorytyndysynda óńdeý óner­kásibinde 6% deńgeıinde ósim bolýǵa tıis. Ulttyq statıstıka bıýrosynyń aqparatyna sáıkes birqatar salada turaqty oń dınamıka saqtalyp otyr. Máselen, jeńil ónerkásip – 156,4%, daıyn me­­tall buıymy – 131,4%, jıhaz óndirisi – 127,6%, qurylys materıaly óndirisi – 127,4%, mashına jasaý – 115,5%.

Kólik mınıstrliginiń habarlaýynsha, eseptik kezeńde kólik salasynyń ósýi 109% deńgeıinde dep baǵalanǵan. Kórsetilgen qyzmettiń jalpy kólemi – 2,8 trln teńge. Bul ótken jylǵydan 14,3% joǵary.

Oń dınamıka tasymaldaý kóleminiń ulǵaıýy esebinen qamtamasyz etilgen. Osylaısha, jalpy júk tasymaldaý kólemi 7,9%, jolaýshylardy bar­lyq kólik túrimen tasymaldaý 11,0%-ǵa deıin ósti. Júk aınalymy 153,7 mlrd tonna-shaqyrymǵa, jolaýshylar aınalymy 22,8 mlrd jolaýshy-shaqyrymǵa jetti.

Jedel derekterge sáıkes bıylǵy úsh aıda júkti temir­jol kóligimen tasymaldaý kólemi 78,3 mln tonna bolǵan. Bul byltyrǵy sáıkes kezeńnen 3,6% artyq. Tasymaldardy sanattarǵa bólip qarastyrsaq, el ishindegi tasymal 40,8 mln tonna, eksport 22,8 mln tonna, ımport 5,6 mln tonna, tranzıt 9,1 mln tonnany qurady.

Eksport qurylymynda kómir, astyq, tyńaıtqysh, qurylysqa qatysty júkter, qara metall, sondaı-aq basqa da júk (onyń ishinde qurama jem, ósimdik maıy, asbest) tasymalynyń óskeni baıqalady. Sonymen qatar res­pýblıka ishindegi qatynasta kómir, munaı ónimi, astyq, hımıkat tasymaly artqan.

Otyrysty qorytyndy­laı kele, Serik Juman­ǵarın salalyq memlekettik organdarǵa ekonomıkalyq ósimniń qosymsha rezervin anyqtaýdy, onyń ishinde memlekettik qoldaý quralyn paıdalaný jónindegi jumysty jandandyrýdy tapsyrdy.

«Bizge qosymsha ónim shyǵarý nemese jańa turǵyn úıdi paıdalanýǵa berý arqyly bolsa da óndiris pen qyzmet kólemin naqty ulǵaıtý qajet. Kerek bolǵan jaǵdaıda memleket mundaı bastamalardy, onyń ishinde, sýbsıdııalaý tetigi arqyly da qoldaýǵa daıyn», dedi vıse-premer.