Qazaqstan Respýblıkasy Parlamenti Májilisi men máslıhattarynyń depýtattaryn saılaý boıynsha saılaý naýqanynyń barysy týraly

Partııalyq tizimderdi usyný qorytyndylary  men  tirkeý barysy týraly

2011 jylǵy 5 jeltoqsanda partııalyq tizimder boıynsha saılanatyn Qazaqstan Res­pýb­lıkasy Parlamenti Májilisi depýtat­ty­ǵyna kandıdattar usyný aıaqtaldy. Qazaqstan Respýblıkasy Ortalyq saılaý komıssııasyna barlyǵy segiz saıası par­tııanyń: 1. «Nur Otan» halyqtyq-demokratııa­lyq partııasynyń; 2. Qazaqstan Patrıottary partııasy­nyń; 3. Qazaqstan sosıal-demokratııalyq «Aýyl» partııasynyń; 4. «Rýhanııat» partııasynyń; 5. «Ádilet» demokratııalyq partııasynyń; 6. Jalpyulttyq sosıal-demokratııalyq partııanyń; 7. Qazaqstannyń «Aq jol» demo­kra­tııa­lyq partııasynyń; 8. Qazaqstan Kommýnıstik halyq par­tııa­synyń partııalyq tizimderi usynyldy. Ortalyq saılaý komıssııasy 2011 jylǵy 7 jeltoqsanda «Nur Otan» halyqtyq-de­mokratııalyq partııasynyń, 8 jeltoqsanda «Aq jol» demokratııalyq partııasynyń partııalyq tizimderin tirkedi. Kúntizbelik josparǵa sáıkes saıası par­tııalardyń tizimderin tirkeý 15 jeltoqsanǵa deıin jalǵasady, al 16 jeltoqsannan bastap partııalar úgit jumysyna kirise alady.

Aqparattyq daýlardy qaraý jónindegi  Qoǵamdyq Keńestiń qurylǵany týraly

Sondaı-aq, 2011 jylǵy 7 jeltoqsan kúni Ortalyq saılaý komıssııasy 2012 jylǵy 15 qańtarǵa taǵaıyndalǵan Qazaqstan Respýb­lı­kasy Parlamenti Májilisi depýtattarynyń kezekten tys saılaýyndaǵy aqparattyq daý­lar­dy qaraý jónindegi Qoǵamdyq Keńes qurdy jáne tıisti Erejeni bekitti. Qoǵamdyq Keńestiń quramyna elde tany­mal zańgerler men saıasattanýshylar, jetekshi respýblıkalyq jáne óńirlik buqaralyq aq­pa­rat quraldarynyń, sondaı-aq Qazaqstan Res­pýb­lıkasynyń ókiletti memlekettik organ­dary­nyń, Ortalyq saılaý komıs­sııasynyń, Baı­lanys jáne aqparat mınıstrligi men Ádi­let mınıstrliginiń  ókilderi engizilgen. Qoǵamdyq Keńes saılaý naýqany kezinde týyndaıtyn aqparattyq daýlardy alqaly qaraý úshin qurylǵan jáne Qazaqstan Res­pýblıkasy Ortalyq saılaý komıssııasy janyndaǵy konsýltatıvtik-keńesshi organ bolyp tabylady. Qoǵamdyq Keńestiń negizgi mindetteri: 1) barlyq saılaý prosesine qatysýshy­lar­dyń buqaralyq aqparat quraldaryna teń qol jetkizýin qamtamasyz etýge jáne saılaý aldyndaǵy naýqan barysyn BAQ-ta obek­tıvti jarııa etýge járdemdesý; 2) BAQ pen olardyń qyzmetkerleriniń saılaý prosesine qatysýshylarmen ózara qarym-qatynastardaǵy múddeleri men zańdy quqyqtaryn qorǵaý; 3) BAQ qyzmetinde ádep normalary men kásibı prınsıpterdiń saqtalýyna yqpal etý, saılaý prosesine qatysýshylar men BAQ ara­syndaǵy daýlardy jáne ózge de jaǵdaılardy sheshýge qatysý bolyp tabylady. Qoǵamdyq Keńestiń quzyretine saılaý prosesine qatysýshylardyń jáne olardyń saılaý naýqany ýaqytynda saılaý zańna­ma­syn saqtaýy týraly ótinishterdi qaraý jáne olar boıynsha sheshimder qabyldaý kiredi. Olar jurtshylyqtyń nazaryna materıal­dardy BAQ-ta jarııalaý nemese Ort­saı­laý­komnyń resmı ınternet-resýrsynda orna­las­tyrý arqyly jetkiziledi.

Máslıhattar depýtattyǵyna kandıdattar usyný jáne tirkeý barysy týraly

2011 jylǵy 8 jeltoqsandaǵy jaǵdaı boıynsha máslıhattar depýtattyǵyna 3056 úmitker usynylǵan. Olardyń ishinde oblystyq máslıhattarǵa – 300, sonyń ishinde Astana qalasynyń más­lı­hatyna – 25 jáne Almaty qalasynyń más­lı­hatyna – 37 kandıdat, aýdandyq máslı­hat­tarǵa – 2252, qalalyq máslıhattarǵa – 504 kandıdat. Usynylǵan kandıdattardyń 830-y – «Nur Otan» halyqtyq-demokratııalyq partııa­sy­nyń; 17-ýi – Kommýnıstik halyq partııasy­nyń; 12-ýi – Qazaqstannyń «Aq jol» demo­kratııalyq partııasynyń; 7-ýi – Qazaqstan sosıal-demokratııalyq «Aýyl» partııasy­nyń; 3-ýi – Qazaqstan Patrıottary partııa­synyń jáne  1-ýi – Jalpyulttyq sosıal-demokratııalyq partııanyń múshesi. 812 úmitker ózderiniń partııaǵa qatysty­lyǵyn kórsetpegen, 1374-i – partııada joqtar. Qazirgi sátke deıin máslıhattar depý­tattyǵyna 39 kandıdat tirkelgen.

Ortsaılaýkomǵa kelip túsken ótinishter týraly

2011 jylǵy 16 qarasha men 6 jeltoqsan aralyǵyndaǵy kezeńde Ortsaılaýkomǵa 24 ótinish kelip túsken. Olardyń ishinde 18 ótinish saılaý zańnamasyn túsindirý týraly, taǵy 6-ýy – saılaý organdary men buqaralyq aqparat quraldarynyń qyzmetine baıla­nysty.

Qazaqstan Respýblıkasynyń Ortalyq saılaý komıssııasy.