Biz birlesip qımyldaımyz

Keshe «Qazaqstannyń Aza­mattyq alıansy» zańdy tul­ǵalar birlestigi men «Demokratııa ınstıtýty» ǵylymı-zert­teý qaýymdastyǵy birlesip, elek­toraldy kezeńde birige qı­myldaıtyn jobalaryn jýrnalısterge tanystyrdy. Baspasóz máslıhatynda «Qa­zaq­stannyń Azamattyq alıansy» zańdy tulǵalar birlestigi atynan sóz alǵan onyń atqarýshy dı­rek­tory Alına Hamatdınova: «Saılaý – elimizdiń azamattarynyń erkin tańdaý jasaýyna berilgen eń basty múmkindik. Sondaı-aq, bul qoǵam ókilderiniń kóńil-kúıi­niń ındıkatory ispetti. Biz­dińshe, azamattyq qoǵam eldegi árbir mańyzdy isten, saılaýlardan tys qalmaýlary kerek. Osy­ǵan baılanysty sońǵy ýaqytta azamattyq ınstıtýttar memleket atqaryp jatqan jumystarǵa ba­ǵalaý jumystary men áleýmettik zertteýlerge kóptep atsalysýda», deı kelip, ózderiniń osy iske ǵy­lymı-zertteý qaýymdastyǵymen birlese qımyldaý maqsatynda joba ázirlegendikterin alǵa tart­ty. Onyń aıtýynsha, «Qazaq­stan­nyń Azamattyq alıansy» 500-den astam úkimettik emes uıym­dardyń basyn biriktirgen irgeli ujym bolyp tabylady. «Osyǵan qaraı biz aldaǵy bolatyn saılaýlar barysyndaǵy zertteý, baǵalaý jumystaryna da qatysamyz degen oıdamyz. Iаǵnı, biz daýys berý kúni «Ekzıt pýl» sharasyn uıymdastyramyz. So­ny­men qatar, osy saılaýda qa­lyń kópshiliktiń elektoraldy ke­zeńge jáne olardyń osy saılaýmen baılanysty ózge de birqatar máseleler boıynsha kóńil-kúıi­niń de jaǵdaıyn bilip otyrsaq degen oıdamyz. Qazaqstanda soń­ǵy jyldary saılaý naýqanynyń barysy men nátıjelerine qo­ǵam­dyq baqylaý ınstıtýttary keńi­nen qatysyp kele jatqanyn bilesizder. Áleýmettik monıtorıng, tikeleı saılaý ótip jatqan mezilde ekzıt-pýl ótkizý osyndaı ny­sandardyń biri bolyp taby­lady», dedi Alıans ókili. Jalpy, «Demokratııa ıns­tı­týty» ǴZA «Qazaqstannyń Aza­mat­tyq alıansy» ZTB tapsy­rysy boıynsha osy saılaý kezeńi sheńberinde elektorattyń saı­laý­aldy kóńil-kúıin zertteý boı­ynsha eki áleýmettik ólshem júrgizetin kórinedi. Birinshi zertteý kandı­dat­tardyń úgitteý naý­qanynyń birinshi kezeńinde ótki­zilse, ekinshi zertteý úgitteý sı­kly­nyń orta­synda uıymdas­tyrylady. Zertteýler qala jáne aýyl hal­qyn qamtıdy, Qazaqstannyń barlyq aımaǵy boıynsha ótki­zilip, oǵan iriktelgen 1500 respondent qatysady. Nátıjesinde, aýytqýshylyǵy ±2,8% shegindegi derekter alynatyn bolady. Saılaý kúni, ıaǵnı 2012 jyl­ǵy 15 qańtarda saılaý ýchaskelerinen shyǵý kezinde saılaýshy­larǵa «Exit poll» tehnologııasy boıynsha saýaldama júrgizilip, osy kúni barlyǵy 50 000 saı­laýshyǵa saýal qoıylady. Oǵan Qazaqstannyń barlyq óńirleri jáne qala men aýyl halqy teńbe-teń qamtylatyn bolady. «Zertteýler júrgizýdiń ádis­te­mesi men tehnıkasy qa­zaq­standyqtardyń elektoraldyq kóńil-kúıi boıynsha mańyzdy, senimdi derekter alýǵa múmkindik beredi. 16 jyl ishinde bizde áleýmettik-saıası, áleýmettik-eko­nomıkalyq zertteýler júr­gizetin tájirıbeli de bilikti mamandar jınaqtaldy. Sonymen birge, uıym osy jyldar ishinde bizdiń ortalyqtarymyzda oqyp, jumysty qalaı júrgizý ádis­terin úırengen ıntervıýrer jelisin damytty. Endi sonyń arqasynda biz bul jumystardy elimizdiń barlyq aımaqtarynda júrgize alamyz. «Demokratııa ınstıtýty» son­daı-aq, elimizdegi irgeli aka­demııalyq jáne ǵylymı-zertteý ınstıtýttarymen tyǵyz qarym-qatynas ornatqan. Árıne, elek­toraldy kezeńde áleýmettik zertteýmen aınalysatyn uıymdarǵa degen suranys arta túsetini aıan. Alaıda, biz ózimiz jınaqtaǵan baı tájirıbemizge súıenip, ma­ńyz­dy naýqanda biliktiligimizdi dáleldeımiz degen senimdemin», – dedi «Demokratııa ınstıtýty» ǵy­lymı-zertteý qaýymdast­y­ǵy­nyń dırektory Iýlııa Kýchınskaıa. Anar TО́LEÝHANQYZY.

--------------------------------------------

Sýretti túsirgen Orynbaı BALMURAT.