Syılyqtar jaýǵan saltanatty sát

Bıyl oblystyń aýyl­sha­rýa­shylyq eńbekkerleri ta­bys­ty jumys istedi. 731,0 myń gektarǵa aýylsharýa­shy­lyq daqyldary egildi. О́ńir dıqandary ár gektardan ortasha 7,9 sentner ónim alyp, 453,3 myń tonna astyq jı­na­dy. Sondaı-aq, 95,7 myń tonna kartop, 76,6 myń tonna kók­ónis jáne 10,7 myń tonna baq­sha ónimderi óndirildi. Mal sany ósip, onyń ónimderin óndirý aldyńǵy jyldarǵa qa­raǵanda anaǵurlym artty. Ob­lysta osy tabystardy damytý arqyly 2016 jyly 16,0 myń tonna etti eksportqa shyǵarý baǵytynda júıeli jumys júrgizilýde. Údemeli ındýs­trııa­lyq-ınnovasııalyq damý baǵdarlamasy aıasynda azyq-túlik beldeýin odan ári damy­tý maqsatynda 2011 jyly ındýstrııalandyrý kartasyna jalpy quny 2,5 mıllıard teńge bolatyn segiz joba engizildi. Bul jobalar iske qosylǵanda qosymsha 3,5 myń tonna sút, 360 myń tonna qus etin óndirýge, ekologııalyq taza qoı etin  óndirýdi 375 tonnaǵa arttyrýǵa múmkindik týady. О́nim kóleminiń ındeksi ús­ti­mizdegi jylǵy on aıda 100,5 paı­yzdy qurady. Oblystyń bir turǵynyna shaqqandaǵy eń­bek ónimdiligi 16 paıyzǵa ósip, 123 myń teńge boldy. Bıyl uıym­das­tyrylǵan  256 aýyl­sharýa­shy­lyq jármeńkesinde 409,0 mıllıon teńgeniń ónim­deri ótki­zil­di. Olardaǵy baǵa kommer­sııa­lyq bazarlarǵa qa­raǵanda 15-30 paıyzǵa arzan boldy. Tahaýı Ahtanov atyndaǵy ob­lystyq drama teatrynda ót­ken aýyl sharýashylyǵy qyzmet­kerleriniń kásibı merekesine  jınalǵandar aldynda oblystyq aýyl sharýashylyǵy basqarma­sy­nyń bastyǵy Muhtar Ju­maǵazıev osyndaı tabys­tar­dy baıandaı kelip, alda at­qa­rylar ister men ózekti má­se­lelerge toqtaldy.  Oblys áki­mi Arhımed Muhambetov   sal­tanatqa jınalǵandardy ká­sibı merekelerimen quttyq­tap, bo­lashaqta  aýyl sha­rýa­shylyǵy salasyn damytýdyń basym baǵyttaryn keńinen áń­gimeledi. О́ńir basshysy bir top aýyl sharýashylyǵy ozat­taryna «Qazaqstan Respýb­lı­kasynyń táýelsizdigine 20 jyl» merekelik medaldaryn, Aýyl sharýashylyǵy mınıs­tri­niń qurmet gramotalary  men alǵys hattaryn, oblys ákiminiń alǵys hattary men baǵaly syılyqtaryn tap­syr­dy. Saltanatty sharada óńir­diń aýyl sharýashylyǵy sa­la­synda uzaq jyldar jumys istegen eńbek ardagerleri de baǵaly syılyqtarmen mara­pat­taldy. Satybaldy SÁÝIRBAI, Aqtóbe oblysy.