Bul týraly Ulttyq testileý ortalyǵynyń dırektory Ramazan Álimqulov aıtty.
«Aǵymdaǵy jyly UBT 15-shi ret óteıin dep otyr. Osy ýaqyt aralyǵynda shamamen 1,5 mln túlek Ulttyq biryńǵaı testileýge qatysty. Qazirgi ýaqytta 2018 jyldyń UBT-syna daıyndyq shtattyq rejimde júrgizilip jatyr. Barlyq aýdıtorııa daıyn. Bıyl UBT formaty ózgermeıdi. Úsh mindetti pán bolady: Qazaqstan tarıhynan 20, saýatty oqýdan 20, matematıkalyq saýattylyqtan 20 jáne tańdap alynǵan 2 pánnen 30 suraqtan» - dedi Ramazan Álimqulov.
Búginde respýblıkalyq apellıasııalyq komıssııanyń músheleri quramynda 54 adam bar. «Apellıasııa tetigi de saqtalady, eshqandaı ózgeris joq. Iаǵnı, UBT tapsyrǵan túlek kelesi kúni saǵat 13:00-ge deıin daý týdyrǵan saýalǵa baılanysty jergilikti apellıasııalyq komıssııaǵa ótinim bere alady. Odan keıin eger jergilikti komıssııa daýlasýǵa sebep bar dep sheshetin bolsa, onda materıaldardy respýblıkalyq komıssııaǵa beredi», - dedi ol.
Byltyr 198 apellıasııalyq shaǵym tússe, onyń 50 paıyzy tehnıkalyq máselelerge qatysty bolǵan. Mazmunyna qatysty 98 másele kóterilip, qanaǵattandyrylǵan.
«О́tken jyly UBT-nyń test tapsyrmalary 40 myń bolsa, sonyń 98 suraǵy, ıaǵnı 0,02 paıyzy ǵana daý týdyrdy. Álemdik tájirıbede 1 paıyzǵa deıin qalypty bolyp esepteledi. Biz bul durys kórsetkish dep sanaımyz. Bıyl test suraqtarynyń bazasy 50 paıyzǵa jańardy jáne bıylǵy UBT-da 80 myń suraq bolady», - dedi Ramazan Álimqulov.