Astanada búgin Halyqaralyq Túrki akademııasy (TWESCO) uıymdastyrǵan «Uly Dala» III Gýmanıtarlyq ǵylymdar forýmy ótip jatyr. Bıylǵy forým «Uly Dala» III Astananyń 20 jyldyǵyna, sonymen qatar aqyn Maǵjan Jumabaevtyń 125, jazýshy Shyńǵys Aıtmatovtyń 90, Ázerbaıjan Halyq respýblıkasynyń 100, Tomsenniń Túrki jazýyn oqýynyń 125 jyldyǵyna arnalyp otyr.
Forým aıasynda Halyqaralyq Túrki akademııasy túrki dúnıesiniń bilim men ǵylymynyń damýyna, sonymen qatar yntymaqtastyqty nyǵaıtýǵa zor úles qosqan tanymal tulǵalarǵa altyn medal tabystady.
Fılologııa ǵylymdarynyń doktory, professor, Reseı Ǵylymdar akademııasynyń Ýfa ǵylymı ortalyǵy Tarıh, til jáne ádebıet ınstıtýtynyń ǵylymı jetekshisi Fırdaýs Hısamıtdınovaǵa (Reseı, Bashqurstan) altyn medaldi Memlekettik hatshy Gúlshara Ábdiqalyqova tabys etti.
«Túrki akademııasy ǵylymdaǵy azdy-kópti eńbegimizdi elep, qurmet kórsetip, medal tabys etti. Ǵylymnyń damýyna osynshalyqty múmkindik berip otyrǵan Qazaqstannyń búgingi damýy áli talaı bıikterge jeteleri sózsiz. Túrkologııa salasyndaǵy barsha ǵalymdardyń basyn qosqan alqaly jıyn ıgi dástúrge aınalyp úlgerdi. Osy rette qazaq halqyna, Túrki akademııasyna zor alǵysymdy bildiremin. Astana Eýrazııanyń rýhanı, mádenı ortalyǵyna aınaldy», dedi Fırdaýs Hısamıtdınova.
Sonymen birge, fılologııa ǵylymdarynyń doktory, chývash tiliniń zertteýshisi, professor Nıkolaı Egorovqa (Reseı, Chývashııa), fılologııa ǵylymdarynyń doktory, professor, Reseı Ǵylymdar akademııasy, Tarıh-fılologııa ǵylymdary bólimine qarasty Túrkologtar komıteti tóraǵasynyń orynbasary Oleg Mýdrakqa TWESCO-nyń altyn medali tabystaldy.
Aıa О́MIRTAI,
«Egemen Qazaqstan»